डहाणू शहरात पॉझिटिव्ह पाहुणीच्या संपर्कातील सर्व जण निगेटिव्ह

मुंबईतुन 4 दिवसांपूर्वी डहाणूतील केटी नगर येथील नातेवाईकांकडे आलेल्या 42 वर्षीय महिलेचा कोरोना तपासणी अहवाल पॉझिटीव्ह तिचा मुलगा व त्या कुटूंबातील 3 जण अशा 4 जणांना क्वारन्टाईन करण्यात आले होते. महिलेवर उपचार करणाऱ्या फिनिक्स हॉस्पिटलचे एक डॉक्टर व 2 परिचारिका यांना देखील क्वारन्टाईन करण्यात आले होते. ह्या सर्व 7 जणांच्या घशाच्या नमुन्याची चाचणी केली असता, आज तपासणी अहवाल कोरोना निगेटिव्ह आले आहेत. डहाणूकरांच्या दृष्टीने ही बाब दिलासादायक ठरली आहे.