इयत्ता बारावी परीक्षा फेब्रुवारी-मार्च २०२४ च्या निकाल आहे आज!

महाराष्ट्र राज्य माध्यमिक व उच्च माध्यमिक शिक्षण मंडळ, पुणे ४११००४.

विषय : उच्च माध्यमिक प्रमाणपत्र (इ.१२ वी) परीक्षा फेब्रुवारी-मार्च २०२४ च्या निकालाबाबत

मंडळामार्फत फेब्रुवारी-मार्च २०२४ मध्ये आयोजित करण्यात आलेल्या उच्च माध्यमिक प्रमाणपत्र (इ.१२ वी) परीक्षेचा निकाल मंडळाच्या विहित कार्यपध्दतीनुसार जाहीर करण्यात येत आहे. त्याचा तपशील पुढीलप्रमाणे आहे.

महाराष्ट्र राज्य माध्यमिक व उच्च माध्यमिक शिक्षण मंडळाच्या पुणे, नागपूर, छत्रपती संभाजीनगर, मुंबई, कोल्हापूर, अमरावती, नाशिक, लातूर व कोकण या नऊ विभागीय मंडळांमार्फत फेब्रुवारी-मार्च २०२४ मध्ये घेण्यात आलेल्या उच्च माध्यमिक प्रमाणपत्र (इ. १२ वी) परीक्षेचा निकाल खालील अधिकृत संकेतस्थळांवर मंगळवार दिनांक २१/०५/२०२४ रोजी दुपारी १.०० वाजता ऑनलाईन जाहीर करण्यात येत आहे. अधिकृत संकेतस्थळांचे पत्ते पुढीलप्रमाणे आहेत.

१. mahresult.nic.in

२. http://hscresult.mkcl.org

३. www.mahahsscboard.in

४. https://results.digilocker.gov.in

५. www.tv9marathi.com

६. http://results.targetpublications.org

परीक्षेस प्रविष्ट झालेल्या सर्व विद्यार्थ्यांचे विषयनिहाय संपादित केलेले गुण उपरोक्त संकेतस्थळांवरुन उपलब्ध होतील व सदर माहितीची प्रत (प्रिंट आउट) घेता येईल. त्याचप्रमाणे Digilocker app मध्ये Digital गुणपत्रिका संग्रहीत करून ठेवण्याची सोय उपलब्ध करून देण्यात आलेली आहे.

www.mahresult.nic.in या संकेतस्थळावर विद्यार्थ्यांच्या निकालासोबत निकालाबाबतची इतर सांख्यिकीय माहिती उपलब्ध होईल.

तसेच www.mahahsscboard.in या संकेतस्थळावर कनिष्ठ महाविद्यालयांना एकत्रित निकाल उपलब्ध होईल.

सदर निकालाबाबतचा अन्य तपशील पुढीलप्रमाणे-

१) ऑनलाईन निकालानंतर उच्च माध्यमिक प्रमाणपत्र (इ.१२ वी) परीक्षेस प्रविष्ट झालेल्या विद्यार्थ्यांस स्वतःच्या अनिवार्य विषयांपैकी (श्रेणी विषयांव्यतिरिक्त) कोणत्याही विशिष्ट विषयात त्याने संपादित केलेल्या गुणांची गुणपडताळणी व उत्तरपत्रिकांच्या छायाप्रती, पुनर्मूल्यांकनासाठी संबंधित विभागीय मंडळाकडे ऑनलाईन पध्दतीने मंडळाच्या अधिकृत संकेतस्थळावरुन (http://verification.mh-hsc.ac.in) स्वतः किंवा कनिष्ठ महाविद्यालयामार्फत अर्ज करण्याची सोय उपलब्ध करून देण्यात आलेली आहे. यासाठी आवश्यक अटी शर्ती व सूचना संकेतस्थळावर देण्यात आलेल्या आहेत. गुणपडताळणीसाठी व उत्तरपत्रिका छायाप्रतीसाठी बुधवार, दिनांक २२/०५/२०२४ ते बुधवार, दिनांक ०५/०६/२०२४ पर्यंत अर्ज ऑनलाईन पध्दतीने करता येईल. त्यासोबतच ऑनलाईन पध्दतीने शुल्क Debit Card/ Credit Card/ UPI/ Net Banking याद्वारे भरता येईल.

RTE Admission Academic Year 2024-25 Maharashtra | महाराष्ट्र आरटीई प्रवेश ऑनलाईन अर्ज सुरु..!

महाराष्ट्र शासन, शालेय शिक्षण व क्रीडा विभाग मार्फत सर्व शिक्षा अभियान अंतर्गत महाराष्ट्र आर टी ई प्रवेश (RTE 25%) प्रवेश प्रक्रिया सुरु झाली असून पात्र उमेदवार दि. १६ एप्रिल २०२४ पासून ते ३० एप्रिल २०२४ पर्यंत आरटीई प्रवेश ऑनलाईन अर्ज भरू शकतात.

RTE 25% Admission Maharashtra 2024: 

RTE age limit Maharashtra 2024: वयोमर्यादा

महाराष्ट्र आरटीई प्रवेश २०२४-२५: सर्व प्रथम आपण कोणत्या इयत्ता मध्ये प्रवेश घेऊ शकता याची पात्रता हि वयानुसार ठरवली जाते. हि वयोमर्यादा शिक्षण विभागामार्फत ठरवली असून आपण Std. 1 ली, Jr. Kg, Sr. Kg, Nursery करिता प्रवेश वयोमर्यादा पुढे पाहू शकतात.

FAQ

पहिली इयत्ता साठी RTE प्रवेशाची वयोमर्यादा किती आहे?

इयत्ता पहिली करिता आरटीई प्रवेश २०२४ वयोमर्यादा ०१ जुलै २०१७ ते ३१ डिसेंबर २०१८ असून ३१ डिसेंबर २०२४ रोजी पर्यंत वय u003cstrongu003e०६ वर्षे ते ०७ वर्ष ०५ महिने ३० दिवसu003c/strongu003e इतके आहे.

Sr Kg इयत्ता साठी RTE प्रवेशाची वयोमर्यादा किती आहे?

इयत्ता Sr. Kg. करिता आर टी ई प्रवेश २०२४ वयोमर्यादा ०१ जुलै २०१८ ते ३१ डिसेंबर २०१९ असून ३१ डिसेंबर २०२४ रोजी पर्यंत वय ०५ वर्षे ते ०६ वर्ष ०५ महिने ३० दिवस इतके आहे.

Jr Kg इयत्ता साठी RTE प्रवेशाची वयोमर्यादा किती आहे?

इयत्ता Jr. Kg. करिता आर. टी. ई. प्रवेश २०२४ वयोमर्यादा ०१ जुलै २०१९ ते ३१ डिसेंबर २०२० असून ३१ डिसेंबर २०२४ रोजी पर्यंत वय ०४ वर्षे ते ०५ वर्ष ०५ महिने ३० दिवस इतके आहे.

What is RTE Admission age limit for 1st standard?

As on 31 December 2024 age will be 06 Years to 07 Years 05 Months and 30 Days.

What is RTE Admission 2024-25 Maharashtra Last Date?

As per Admission notification online application was started on 16 April 2024 to till 30 April 2024.

Maharashtra RTE Admission 2024-25 Apply Online

महाराष्ट्र RTE 25% प्रवेश प्रक्रिया मार्च महिन्यात सुरु झालेली आहे. त्याकरिता पात्र उमेदवारांना ऑनलाईन नोंदणी करणे अनिवार्य आहे. ऑनलाईन अर्ज भरण्याकरिता सूचना व माहिती पत्रक शासनाद्वारे प्रकाशित करण्यात आलेय. सर्वप्रथम सूचना पूर्ण वाचूनच ऑनलाईन अर्ज भरण्यास सुरुवात करावी.

Maharashtra RTE Admission Android App Link

आपण सन २०२४-२५ च्या RTE 25% Admission करिता अधिकृत संकेतस्थळ वरून ऑनलाईन अर्ज किंवा मोबाईल Android App द्वारे सादर करू शकतात. त्याकरिता शासनाने माहितीपुस्तिका प्रकाशित केलेली आहे. ह्या लेखात आपणास RTE 25% Admission Mobile App करिता लिंक दिलेली आहे.

महाराष्ट्र RTE 25% प्रवेश प्रक्रिया आवश्यक कागदपत्रे

RTE Admission 2024-25 Maharashtra Documents: RTE 25% ऑनलाईन प्रवेश प्रक्रिया करिता आपणास पुढील कागदपत्रे आवश्यक असतील. तसेच कागदपत्राच्या अधिक माहिती करिता या लेखात सूचनेप्रमाणे कागदपत्रे सादर करावीत.

जन्म प्रमाणपत्र

आधार कार्ड (असल्यास)

रहिवासी प्रमाणपत्र

जातीचे प्रमाणपत्र (वडिलांचे)

दिव्यांग प्रमाणपत्र (आवश्यक असल्यास)

कुटुंबाचा उत्पन्नाचा दाखला (वर्गवारी नुसार आवश्यक)

जन्माचा दाखला

घटस्फोटीत महिला असल्यास तसे पुरावे सादर करावेत.

विधवा महिला / अनाथ बालक असल्यास कागदपत्रे सादर करावीत.

RTE Admission 2024-25 Maharashtra Last Date: वेळापत्रक

RTE Admission Academic Year 2024-25 Maharashtra करिता Apply Online लिंक, तसेच शासनाने जाहीर केकेली वयोमर्यादा – Age Limit, व वेळापत्रक – Last Date पुढील प्रमाणे आहे.

RTE Admission Academic Year 2024-25 Maharashtra: महत्वाच्या लिंक्स

Maharashtra RTE Admission 2024-25 Apply Online Link

RTE 25% Admission Mobile App See Here

RTE Age Limit Maharashtra 2024 Age Calculator

rte admission 2024-25 Maharashtra Start date 16 April 2024

rte admission 2024-25 Maharashtra Last date 30 April 2024

RTE Maharashtra 2024 Lottery Date May 2024

RTE Admission Apply Online Click Here

महाराष्ट्र RTE 25% प्रवेश आवश्यक कागदपत्रे यादी Click Here

RTE Online Admission Schedule 2024

आर टी ई प्रवेश महाराष्ट्र २०२४-२५ करिता वेळापत्रक शालेय शिक्षण विभाग च्या अधिकृत संकेतस्थळ (student.maharashtra.gov.in) प्रसिद्ध करण्यात आले आहे. तसेच विद्यार्थ्यांकरिता प्रवेश प्रक्रिया व अर्ज भरणे प्रारंभ होण्याची अंदाजित तारीख देण्यात आलेली आहे.

शिष्यवृत्ती हुकलेली संधी पुन्हा मिळेलऑफलाईन अर्ज १५ जूनपर्यंत करावे

 

महाविद्यालयांमध्ये शिक्षण घेत असलेल्या अनुसूचित जाती, प्रवर्गातील विद्यार्यािंना शिष्यवृत्ती, शिक्षण शुल्क परीक्षा शुलक या योजनेचा लाभ दिला जातो . सन २०१८-१९ ते २०२१-२२ या वर्षात विमुक्त जाती भटक्या जमाती, इतर मागास वर्ग, विशेष मागास प्रवर्गातील विद्यार्थ्यांनी ऑनलाईन महाडिबीटी पोर्टलवर शिष्यवृत्ती साठी अर्ज केले होते. मात्र, यावेळी काही पात्र विद्यार्थ्यांचे अर्ज ॲटो रिजेक्ट झाले होते त्यामुळे ते शिष्यवृत्ती पासून वंचित राहिले होते. या विद्यार्थ्यांसाठी आनंदाची बातमी आहे. अता प्रलंबित अर्ज ऑफलाईन पध्दतीने निकाली काढले जाणार आहेत.

पोर्टलवर अर्ज करताना येणाऱ्या विविध अडचणीमुळे अनेक विद्यार्थ्याचे विहीत मुदतीत अर्ज भरता न येणे, अर्ज ॲटो रिजेक्ट होणे, एखाद्या वर्षी अर्ज भरता न आल्यास त्यावर्षी गॅप ईयर असे पोर्टलवर नमूद होऊन पुढच्या वर्षीचा अर्ज भरताना अडचणींचा सामना विद्यार्थ्यांना करावा लागत आहे. त्यामुळे अनेक पात्र विद्यार्थ्यांना शिष्यवृत्तीचा लाभ मिळाला नाही.

अशा विध्यार्थ्यांनी ऑफलाईन अर्ज १५ जून २०२३ पर्यंत महाविद्यालयाकडे जमा करावा तसेच महाविद्यालयाने २० जून पर्यंत सहायक आयुक्त, समाज कल्याण, या कार्यालयाकडे सादर करण्याचे आवाहन सहायक आयुक्त समाधान   यांनी केले आहे.

The chance of career in the art field कला क्षेत्रात करियरच्या संधी…

आपल्याला जो छंद आहे किंवा उपजत जी कला आहे, त्यात करियर करायचा विचार फारसा रूढ नव्हता. जागतिकीकरण आणि प्रत्येक क्षेत्राची विस्तारणारी व्याप्ती पाहता आता छंद जोपासता असताना किंवा तुम्हाला उपजत असलेल्या केलेला प्रोफेशन बनवू शकता. ठराविक क्षेत्रात करियर करण्याच्या सिमारेषा पुसल्या गेल्या असून, करियरचे क्षितीज विस्तारले आहे. आपल्या आवडत्या कलेतून छंद करण्यासंदर्भातील बॅचलर इन फाईन आर्ट्स मधील काही शिक्षणक्रम पाहू -

बॅचलर ऑफ फाईन आर्ट्स - हा चार वर्षाचा पूर्णवेळ पदवी शिक्षणक्रम आहे. यास प्रवेश घेण्यासाठी 12 वी उत्तीर्ण असणे आवश्यक असून, साधारण 3 लाख शैक्षणिक शुल्क आहे. यामध्ये अनेक उपविभाग असून, पदवी आणि पदविका शिक्षणक्रमही उपलब्ध आहेत.

बी.एफ.ए. इन ॲनीमेशन - चार वर्षाचा पूर्ण वेळ शिक्षणक्रम आहे. यास प्रवेश घेण्यासाठी 12 वी उत्तीर्ण असणे आवश्यक आहे. डिझाईन फॉर ॲनीमेशन, प्रिंट मेकींग, फॉर बिझनेस लॅग्वेज, ओपन इलेक्टीव्ह कोर्सेस हे विषय अभ्यासक्रमात असून, साधारण 3 लाख शिक्षणक्रम शुल्क आहे.

बॅचलर ऑफ फाईन आर्ट्स + मास्टर ऑफ फाईन आर्ट्स (पेंटींग) - हा सहा वर्षाचा पूर्णवेळ पदवी शिक्षणक्रम आहे. 12 वी मध्ये किमान 45 टक्के असणे आवश्यक आहे.

बी.एफ.ए. इन म्युसिक व्हायोलीन - हा चार वर्षाचा पूर्णवेळ पदवी शिक्षणक्रम आहे. या प्रवेश घेण्यासाठी 12 वी उत्तीर्ण असणे आवश्यक आहे.

एम.फील. इन म्युझीक - एक वर्षाचा पूर्णवेळ पदव्युत्तर पदवी शिक्षणक्रम आहे. पदवीला 55 टक्के गुण असणे आवश्यक आहे.

बी.ए.इन. म्युझीक - हा तीन वर्षाचा पूर्णवेळ पदवी शिक्षणक्रम आहे. 12 वी उत्तीर्ण असणे आवश्यक आहे.

एम.ए. इन इन्स्ट्रुमेंटल म्युझिक- हा दोन वर्षाचा पूर्णवेळ पदव्युत्तर पदवी शिक्षणक्रम आहे. म्युझिक मधून बी.ए.पूर्ण असणे आवश्यक आहे.

बी.ए.इन पफॉर्मिंग आर्ट्स- हा तीन वर्षाचा पूर्णवेळ पदवी शिक्षणक्रम आहे. साधारण 2 लाख शैक्षणिक शुल्क आहे.

कोर्स इन म्युझिक - हा 120 तासांचा पूर्णवेळ प्रमाणपत्र शिक्षणक्रम आहे. शिक्षणक्रम शुल्क 4 हजार रूपए आहे. टेक महिंद्रा, एशियन पेंट, विप्रो, झोमॅटो आदी नामांकित कंपन्यांमध्ये काम करण्याची संधी प्राप्त होते.

डिप्लोमा इन हिंदूस्थानी क्लासिकल व्होकल / लाईट व्होकल / सितार / तबला - हा दोन वर्षाचा पूर्णवेळ पदविका शिक्षणक्रम आहे. किमान १० वी उत्तीर्ण असणे आवश्यक आहे.

गाणे विषयात पदविका (डिप्लोमा इन सिंगींग) - हा एक वर्षाचा पूर्णवेळ पदविका शिक्षणक्रम आहे. साधारण 4 हजार एवढे शिक्षणक्रम शुल्क आहे.

सर्टीफीकेट इन व्हाईस कल्चर / व्हाईस ओव्हर / डबिंग ॲण्ड फ्री कमेंट्री - हा तीन महिन्याचा पूर्णवेळ प्रमाणपत्र शिक्षणक्रम आहे. 10 + 2 उत्तीर्ण असणे आवश्यक आहे. साधारण 30 हजार एवढे शिक्षणक्रम शुल्क आहे.

नृत्यकलेत पदवी - हा चार वर्षाचा पूर्णवेळ पदवी शिक्षणक्रम आहे. याचे एक लाख 75 हजार एवढे शिक्षणक्रम शुल्क आहे. बँक ऑफ अमेरिका, विप्रो, गुगल आदी नामांकित कंपन्यांमध्ये काम करण्याची संधी प्राप्त होऊ शकते.

सर्टीफीकेट इन फाउंडेशन फोटोग्राफी - हा दोन महिन्याचा अर्धवेळ प्रमाणपत्र शिक्षणक्रम आहे. 10 + 2 उत्तीर्ण असणे आवश्यक आहे. साधारण 13 हजार शैक्षणिक शुल्क आहे. प्राईम फोकस, रिलायन्स रिटेल, लाईफ ओके आदी नामांकित कंपन्यांमध्ये काम करण्याची संधी प्राप्त होते.

डिप्लोमा इन ऑटोमोटीव्ह शिल्पकला - हा दोन वर्षाचा पदव्युत्तर पदविका शिक्षणक्रम आहे. साधारण 5 लाख रूपए शैक्षणिक शुल्क आहे. अँकर पॅनासोनिक, इंदी डिझाईन, बॉम्बे डिझाईन हाऊस, बँग डिझाईन आदी नामांकित कंपन्यांमध्ये काम करण्याची संधी प्राप्त होते.

एम.एफ.ए. इन सिरॅमिक - हा दोन वर्षाचा पूर्णवेळ पदव्युत्तर पदवी शिक्षणक्रम आहे. पदवीमध्ये किमान 50 टक्के असणे आवश्यक आहे.

बी.एफ.ए. इन सिरॅमीक - चार वर्षाचा पूर्णवेळ पदवी शिक्षणक्रम असून, 12वी मध्ये 50 टक्के असणे आवश्यक आहे.

एम.एफ.ए. इन पेंटींग (भित्तीचित्र) - हा दोन वर्षाचा पूर्णवेळ पदव्युत्तर पदवी शिक्षणक्रम आहे. पदवी पूर्ण असणे आवश्यक आहे.

सर्टीफीकेट इन ॲक्टींग - हा सहा महिन्याचा पूर्णवेळ प्रमाणपत्र शिक्षणक्रम आहे. 12 वी उत्तीर्ण असणे आवश्यक असून, 90 हजार रूपए शैक्षणिक शुल्क आहे.

भारतात 35 महाविद्यालयात ड्रामा (नाटक) विषयाचे प्रशिक्षण दिले जाते. शिल्पकलेचे 21 महाविद्यालय भारतात आहेत. फोटोग्राफीचे 271 महाविद्यालये आहेत. भारतात संगीताचे 113 महाविद्यालये आहेत. एम.एफ.ए. इन पेंटींगचा शिक्षणक्रम वीस्वा भारती विद्यापीठ, वेस्ट बंगाल येथे उपलब्ध आहे. ग्राफीक आर्ट कॉलेजचे 46 महाविद्यालये आहेत. नृत्य आणि नृत्य दिग्दर्शनचे भारतात 51 महाविद्यालये आहेत.

मृत्युपत्र नेमक काय असते?

        मृत्युपत्र कोण करू शकते?

कोणतीही सज्ञान व्यक्ती जिचे वय २१ वर्षे पूर्ण आहे व त्या व्यक्तीचे मानसिक स्वास्थ्य उत्तम आहे. अशी व्यक्ती मृत्युपत्र करून ठेवू शकते. तसेच मृत्युपत्र करणाऱ्या व्यक्तीने कोणाच्याही दबावाखाली न येता स्वेच्छेने मृत्युपत्र केलेले असावे.

भारतीय वारसा कायदाच्या कलम २ मध्ये इच्छापत्र/ मृत्युपत्राची व्याख्या केलेली आहे.

मृत्युपत्र हे एक कायदेशीर कागदपत्र आहे. ज्याद्वारे एखादी व्यक्ती त्याच्या मालकीची संपत्ती कोणाला हस्तांतरित करायचे हे ठरवते किंवा तशी इच्छापत्राद्वारे म्हणजेच मृत्युपत्राद्वारे लिखित स्वरूपात इच्छा व्यक्त करते.

मृत्युपत्र करणार त्याच्या नावावर असलेल्याच संपत्तीचा मृत्युपत्रामध्ये उल्लेख करू शकतो. जर संपत्ती संयुक्त स्वरूपात असेल तर त्याच्या हिश्यापुरतेच मृत्युपत्र करता येईल.

मृत्युपत्र मध्ये समावेश करता येणाऱ्या मिळकती किंवा संपत्ती-

१. वैयक्तिक किंवा संयुक्त मालकीची मालमत्ता (जी      सहसा हयात असलेल्या मालकाकडेच जाते. जसे की, पती, पत्नी, मूल किंवा भावंड.)

२. लाइफ इन्शुरन्स पॉलिसी किंवा पेन्शन बेनिफिट्स यासारख्या ट्रस्टमध्ये ठेवलेल्या मालमत्ता.

३. अचल संपत्ती जसे की कार, सोने-चांदी व इतर भौतिक वस्तू.

४.बाँड, शेअर्स, बँक खाते इत्यादी

५. रॉयल्टी

६. कर्ज फेडण्याचे दायित्व तसेच इतर जबाबदारी

- मृत्युपत्र कोणाच्या नावे करत आहे त्या लाभार्थीचे स्पष्ट नाव, पत्ता व त्या व्यक्ती विषयी सविस्तर माहिती स्पष्टपणे नमूद केलेली असली पाहिजे.

- जर लाभार्थी जास्त असतील तर प्रत्येकाचा हिस्सा नेमकेपणाने नमूद केलेला असला पाहिजे.

- मृत्युपत्रासाठी दोन Executor नेमणे आवश्यक असते.

- तसेच दोन साक्षीदार त्यांच्या नाव व पत्त्यासहित असणे आवश्यक आहे. मृत्युपत्रावर साक्षीदारांच्या सह्या अनिवार्य असतात.

- मृत्युपत्र हे लिहून किंवा टाईप केलेले असले तरी चालते. परंतु, मृत्युपत्र हे स्टॅम्प पेपर वर करणे गरजेचे नसते. तसेच ते स्पष्ट व समजेल अशा भाषेत असावे.   -मृत्युपत्रांमध्ये तारीख, वार इत्यादीचा उल्लेख असावा व मृत्युपत्र करणार याची सही असणे अत्यावश्यक असते.

-एखाद्या व्यक्तीने जर एकापेक्षा जास्त मृत्युपत्र केले असतील तर शेवटचे मृत्युपत्र ग्राह्य धरण्यात येते.

-मृत्युपत्र केल्यानंतर त्यात काही बदल किंवा सुधारणा करता येतात त्यास कायद्याच्या भाषेत codicil असे म्हणतात.

-एखादी व्यक्ती त्याच्या हयातीत कधीही मृत्युपत्र रद्द करू शकते किंवा त्यात बदल करू शकते किंवा त्यात अधिक माहिती समाविष्ट करू शकते.

मृत्युपत्राची नोंदणी ही ऐच्छिक आहे परंतु मृत्युपत्र नोंदणी करणे अनेकदा फायद्याचे ठरते आणि नोंदणीमुळे तारखांचे वाद उद्भवत नाहीत. ही नोंदणी तालुका व जिल्ह्याच्या ठिकाणी दुय्यम निबंध कार्यालयात करता येते.

दुर्बल व वंचित घटकाकरिता २५ टक्के ऑनलाईन प्रवेश प्रक्रियेंतर्गत प्रवेश अर्ज

दरवर्षी प्रमाणे सन २०२३-२४ या वर्षाची बालकांचा मोफत व सक्तीच्या शिक्षणाचा अधिकार अधिनियम २००९ मधील कलम १२ (१) (सी) नुसार दुर्बल व वंचित घटकातील बालकांना स्वयंअर्थसाहीत शाळा, खाजगी विनाअनुदानित व खाजगी कायम विनाअनुदानित शाळांमध्ये २५ टक्के प्रवेश प्रक्रिया ऑनलाईन राबविण्यात येत आहे. शासनाने  दिलेल्या सुचना विचारात घेऊन सन २०२३ २४ या शैक्षणिक वर्षाकरिता आरटीई अंतर्गत २५ टक्के राखीव जागांवरील प्रवेश प्रक्रियेबाबत संचालनालयाचे  पत्रान्वये सूचना निर्गमित करण्यात आल्या आहेत. प्रवेश प्रक्रियेंतर्गत पात्र शाळांची नोंदणी पुर्ण झालेली आहे. सबब, बालकाच्या पालकांकडून ऑनलाईन अर्ज मागविणेची प्रक्रिया दि. ०१/०३/२०२३ दुपारी ०३:०० ते दि. १७/०३/२०२३ रात्री १२:०० वाजेपर्यंत सादर करण्याची सुविधा उपलब्ध करुन देण्यात येत आहे. आपण आरटीई २५ टक्के प्रक्रियेंतर्गत पालकांना अर्ज भरण्याबाबतच्या सुचना व्यापक स्वरुपात प्रसिद्धीस देण्यात यावी. आरटीई २५ टक्के प्रवेश प्रक्रियेंतर्गत ऑनलाईल अर्ज भरणे, प्रवेश प्रक्रियेकरीता आवश्यक कागदपत्रे आणि इतर

अनुषंगिक बाबींबाबत सर्व समावेशक मार्गदर्शक सुचना खालीलप्रमाणे निर्गमित करण्यात येत आहेत. १. ऑनलाईन प्रवेश अर्ज भरण्याबाबत मार्गदर्शक सुचना:-

1. बालकांचा मोफत व सक्तीच्या शिक्षणाचा अधिकार अधिनियम २००९ मधील कलम १२ (१) (सी)

नुसार दुर्बल व वंचित घटकातील बालकांना स्वयंअर्थसाहीत शाळा, खाजगी विनाअनुदानीत व खाजगी कायम विनाअनुदानित शाळांमध्ये इ. १ ली किंवा पुर्व प्राथमिक वर्ग या स्तरावर २५ टक्के प्रवेश प्रक्रियेकरीता पालकांनी https://student.maharashtra.gov.in या संकेतस्थळावर जाऊन अर्ज भरण्याची प्रक्रिया विहित मुदतीमध्ये पुर्ण करावी.

॥. वंचित गटातील बालकांमध्ये खालील प्रवर्गाचा समावेश होतो.

वंचित गटातील बालकांच्या प्रवेशाकरीता वार्षिक कमाल उत्पन्नाची मर्यादा लागू नाही. III. आर्थिक वर्षामध्ये पालकांचे वार्षिक उत्पन्न एक लाखापेक्षा कमी आहे अशा पालकांच्या बालकांचा आर्थिक दुर्बल गटामध्ये समावेश होतो.

२५ टक्के प्रवेश प्रक्रियेकरीता विचारपुर्वक १० शाळांची निवड करण्यात यावी. V. पालकांनी अर्ज भरताना शाळेपासून ते घरापर्यंतचे हवाई अंतर हे गुगल मॅपने निश्चित करावयाचे असल्याने शाळा निवडताना अंतराची बाब लक्षात घेवून पालकांनी बलूनद्वारे निवास स्थानाचे ठिकाण निश्चित करण्याकरीता तो बलून जास्तीत जास्त ५ वेळाच निश्चित करता येईल यांची नोंद घ्यावी. त्यामुळे पालकांनी निवास स्थानाचे लोकेशन अचूक नमूद करावे.

IV.

VI. प्रवेश प्रक्रियेबाबत विहित मुदतीमध्ये परिपुर्ण अर्ज भरला जाईल याची दक्षता घ्यावी. अर्ज सादर करण्याच्या अंतिम कालावधीमध्ये इंटरनेट अथवा इतर तांत्रिक अडचणींमुळे परिपुर्ण अर्ज सादर करण्यामध्ये व्यत्यय येण्याची शक्यता नाकारता येणार नाही. सबब, शक्य तितक्या लवकर परिपूर्ण अर्ज सादर केला जाईल याची दक्षता घेण्यात यावी.

VII. प्रवेश प्रक्रियेबाबत आपणास काही समस्या असल्यास आरटीई पोर्टल वरती मदत केंद्राची माहिती देण्यात आलेली आहे. त्यांच्याशी संपर्क करुन समस्याचे निराकरण करण्यात यावे. पालकांनी ऑनलाईनन अर्ज करतांना अचुक व खरी माहिती भरावी. (उदा. घरचा पत्ता, जन्म VIII.

दिनांक, उत्पन्नाचा दाखला, जात प्रमाणपत्र, इतर).

X ज्या बालकांनी यापूर्वी आरटीई २५ टक्के अंतर्गत शाळेत प्रवेश घेतला असल्यास सदर बालकाला पुन्हा अर्ज करता येणार नाही.

X. यापुर्वी २५ टक्के प्रवेश प्रक्रियेंतर्गत प्रवेश मिळालेल्या बालकाचा चुकीची माहिती भरुन पुन्हा

प्रवेश घेतल्याचे निदर्शनास आल्यास सदरील प्रवेश रद्द करण्यात येईल. तसेच पालकांनी एकच

परिपूर्ण अर्ज सादर करावा, एका पेक्षा अधीकचे अर्ज भरल्याचे निदर्शनास आल्यास एकही अर्ज

लॉटरीसाठी विचारात घेतला जाणार नाही.

XI. पालकांनी कोणत्याही प्रकारची कागदपत्रे ऑनलाईन अपलोड करण्यात येऊ नयेत. २. बालकांचा मोफत व सक्तीच्या शिक्षणाचा अधिकार अधिनियम २००९ अंतर्गत २५ टक्के प्रवेश

प्रक्रियेकरीता आवश्यक कागदपत्रांचा तपशील खालीलप्रमाणे आहे:-

I. निवासी पुरावा :- २५ टक्के प्रवेश प्रक्रियेकरीता आपण ज्या कार्यक्षेत्रातील शाळा निवडत आहात त्या कार्यक्षेत्रात स्वतः च्या मालकीची निवासी व्यवस्था असल्यास निवासी पुराव्याकरीता रेशनिंग कार्ड, ड्रायव्हिंग लायसन्स, वीज देयक, टेलिफोन देयक, प्रॉपर्टी टॅक्स देयक, घरपट्टी, आधारकार्ड, मतदान ओळखपत्र, पासपोर्ट व राष्ट्रीयकृत बँकेचे पासबूक इ. यापैकी कोणताही एक पुरावा ग्राह्य धरण्यात येईल.

॥. २५ टक्के प्रवेश प्रक्रियेकरीता आपण ज्या कार्यक्षेत्रातील शाळा निवडत आहात उक्त कार्यक्षेत्रामध्ये स्वतःच्या मालकीची निवासी व्यवस्था नसल्यास भाडेकरार ग्राह्य धरण्यात येईल. सदरचा भाडेकरारहा दुय्यम निबंधक कार्यालयाचा नोंदणी असणे अनिवार्य आहे. भाडेकरार हा फॉर्म भरण्याच्या दिनांकाच्या पूर्वीचा असावा व त्याचा कालावधी ११ महिन्यांचा किंवा त्यापेक्षा जास्त कालावधी असलेला असावा. जे पालक रहिवासी पुरावा म्हणून भाडेकराराची प्रत जोडतील त्यांच्या निवासाची पडताळणी करण्यात येईल. ज्या ठिकाणाचा भाडेकरारनामा दिला असेल त्या ठिकाणी बालक / पालक राहत नाही असे आढळून आल्यास त्या पालकांविरुद्ध कायदेशीर कारवाई करण्यात येवून सदर बालकाचा प्रवेश रद्द करण्यात येईल.

III. जन्मतारखेचा पुरावा :- ग्रामपंचायत / मनपा/नपा यांचा दाखला / रुग्णालयातील ANM रजिस्टर मधील दाखला/ अंगणवाडी / बालवाडीतील रजिस्टरमधील दाखला/ आई, वडील अथवा पालकांनी प्रतिज्ञा पत्राद्वारे केलेले स्वयंनिवेदन ग्राह्य धरण्यात येईल.

IV. सामाजिक वंचित जात संवर्गातील बालक असल्यास वडीलांचे/बालकांचे सादर करावयाचे कागदपत्रे :- तहसीलदार/ उपजिल्हाधिकारी/उपविभागीय महसूल अधिकारी यांनी निर्गमित केलेला पालकाचा (वडिलांचा/बालकांचा) जातीचा दाखला. परराज्यातील जातीचा दाखला प्रवेश प्रक्रियेकरीता ग्राह्य धरण्यात येणार नाही.

V. आर्थिक दृष्ट्या दुर्बल संवर्गातुन प्रवेशाकरीता वार्षिक उत्पन्नाचा दाखला : आरटीई २५ टक्के अंतर्गत प्रवेशाकरीता विद्यार्थ्यांच्या पालकांचा आर्थिक वर्ष २०२०-२१ किंवा २०२१-२२ या वर्षाचा एक लाखापेक्षा कमी वार्षिक उत्पन्न असलेला तहसिलदारांचा दाखला. उत्पन्नाच्या दाखल्याकरीता पगाराचा दाखला (Salary slip), कंपनीचा किंवा मालकाचा दाखला ग्राह्य धरण्यात येईल.

VI. दिव्यांग मुलांसाठी वैद्यकीय प्रमाणपत्राचा पुरावा :- जिल्हा शल्य चिकित्सक/वैद्यकीय अधिक्षक, अधिसूचित जिल्हा शासकीय रुग्णालय यांचे ४० टक्के पेक्षा जास्त दिव्यांग असल्याचे प्रमाणपत्र.. पालकांनी ऑनलाईन प्रवेश अर्ज भरताना एकल पालक (Single Parent) (विधवा, घटस्फोटित, आई अथवा वडील यापैकी कोणताही एक) पर्याय निवडला असेल तर संबंधित बालकाचे पालकत्व स्विकारलेल्या व्यक्तिचे प्रवेशासाठी लागणारे आवश्यक कागदपत्र ग्राह्य धरण्यात येईल.

VIII.

आरटीई २५ टक्के प्रवेश प्रक्रियेवेळी विद्यार्थी व पालक यांचे आधारकार्ड किंवा आधार क्रमांक मिळण्याकरीता केलेल्या अर्जाची पावती घेणे अनिवार्य करण्यात येत आहे. परंतु काही कारणांमुळे बालक व पालक आधार कार्ड सादर करणे शक्य झाले नाही, तर अशा प्रकरणांमध्ये बालकांचे आधारकार्ड सादर करण्याच्या अटीच्या अधीन राहून बालकांना तात्पुरता प्रवेश देण्यात यावा. तात्पुरता प्रवेश दिल्याच्या दिनांकापासून ९० दिवसांच्या आत बालकाचे आधारकार्ड शाळेकडे सादर करणे बंधनकारक राहील. बालकाच्या आधारकार्डची विहीत कालावधीत पूर्तता न झाल्यास आरटीई २५ टक्के अंतर्गत दिलेला तात्पुरता प्रवेश रद्द करण्यात येईल.

X. अनाथ बालके ( वंचित घटक) आवश्यक कागदपत्रे :- अ) अनाथ बालकांच्या बाबतीत अनाथालयाची/ बालसुधारगृहाची कागदपत्रे ग्राह्य धरण्यात येतील. ब) जर बालक अनाथालयात राहत नसेल तर जे पालक त्यांचा सांभाळ करतात त्यांचे हमीपत्र आवश्यक राहील. क) अनाथ बालकांच्या संदर्भात इतर कागदपत्रे उदा. वार्षिक उत्पन्नाचा दाखला विचारात घेतला जाणार नाही.

X.

कोव्हीड प्रभावित बालक (ज्याचे पालक एक किंवा दोन्ही यांचे निधन १ एप्रिल २०२० ते ३१ मार्च, २०२२ या कालावधीत कोव्हीड प्रादुर्भावामुळे झाले) अशा बालकांच्या प्रवेशाकरीता कागदपत्रे:-

अ) सक्षम प्राधिकारी यांनी निर्गमित केलेले संबंधित पालकाचे मृत्यू प्रमाणपत्र.

ब) कोव्हीड १९ मुळे मृत्यु झाल्याचे रुग्णालयाचे वैद्यकीय प्रमाणपत्र, (Medical Certification of Cause of Death (Form No.4 or 4a), (See Rule 7). क) सदर मृत्यू कोव्हीड १९ शी संबंधित असल्याबाबतचे वैद्यकीय प्रमाणन हे शासकीय / पालिका/ महानगरपालिका, रुग्णालय अथवा आय.सी.एम. आर. नोंदणीकृत खाजगी रुग्णालय /

प्रयोगशाळा यांचा अहवाल.

XI एच. आय. व्ही बाधित/प्रभावित असल्यास आवश्यक कागदपत्रे:- जिल्हा

शल्य चिकित्सक/वैद्यकीय अधीक्षक, अधिसूचित जिल्हा शासकीय रुग्णालय यांचे प्रमाणपत्र अनिवार्य राहील.

XII. घटस्फोटित महिला पालक असल्यास आवश्यक कागदपत्रे :- १. न्यायालयाचा निर्णय, २. घटस्फोटित महिलेचा/बालकाच्या आईचा रहिवाशी पुरावा, ३. बालक वंचित गटातील असल्यास बालकाचे किंवा त्याच्या वडिलांचे जातीचे प्रमाणपत्र व बालक आर्थिक दुर्बल घटकातील असल्यास तर बालकाच्या आईचा उत्पन्नाचा दाखला, इत्यादी कागदपत्रे दाखल करणे अनिवार्य राहील.

XIII.

न्यायप्रविष्ट असलेल्या घटस्फोटा प्रकरणातील महिला :- १. प्रकरण न्यायप्रविष्ट असल्याचा

पुरावा, २. घटस्फोट प्रकरण न्यायप्रविष्ट असलेल्या महिलेचा / बालकाच्या आईचा रहिवाशी पुरावा, ३. बालक वंचित गटातील असल्यास बालकाचे किंवा त्याच्या वडिलांचे जातीचे प्रमाणपत्र व बालक आर्थिक दुर्बल घटकातील असल्यास तर बालकाच्या आईचा उत्पन्नाचा दाखला इत्यादी कागदपत्रे दाखल करणे अनिवार्य राहील.

XIV.

विधवा महिला :- १. पतीचे मृत्यू प्रमाणपत्र, २. विधवा महिलेचा / बालकाच्या आईचा रहिवाशी पुरावा, ३. बालक वंचित गटातील असल्यास बालकाचे किंवा त्याच्या वडिलांचे जातीचे प्रमाणपत्र व बालक आर्थिक दुर्बल घटातील असल्यास तर बालकाच्या आईचा उत्पन्नाचा दाखला इत्यादी कागदपत्रे दाखल करणे अनिवार्य राहील.

३. ऑनलाईन अर्ज सादर करण्याची प्रक्रिया पुर्ण झाल्यानंतर व्यापक प्रसिद्धी देऊन ऑनलाईन सोडत (Lottery) काढण्याकरीता दिनांक निश्चित केली जाईल. उक्त तारखेस ऑनलाईन पद्धतीने सोडत (Lottery) काढण्यात येईल. सन २०२३-२४ या शैक्षणिक वर्षाकरीता आरटीई अंतर्गत २५ टक्के राखीव जागांवरील प्रवेश प्रक्रियेसाठी एकाच टप्यात लॉटरी काढली जाईल. तसेच शाळेत आरटीई अंतर्गत उपलब्ध जागांएवढी एक प्रतिक्षा यादी (वेटींग लिस्ट) तयार केली जाईल. लॉटरी लागलेल्या विद्यार्थ्यांना प्रवेश घेण्यासाठी पुरेसा कालावधी देण्यात येईल. या कालावधीमध्ये विद्यार्थ्यांनी प्रवेश घेऊन शाळेत जागा रिक्त राहिल्या असतील तर पहिल्या प्रतिक्षा यादी (वेटींग लिस्ट) मधील अनुक्रमे विद्यार्थ्यांना प्रवेश घेण्याबाबतचा मेसेज पाठविला जाईल. मगच प्रतिक्षा यादीतील विद्यार्थ्यांनी अलॉटमेंट लेटर काढून विहित मुदतीत प्रवेश घ्यावा. या कालावधीत विद्यार्थ्यांनी प्रवेश घेऊन शाळेत जागा रिक्त राहिल्या असतील तर दुसऱ्या प्रतिक्षा यादी (वेटींग लिस्ट) मधील अनुक्रमे विद्यार्थ्यांना प्रवेश घेण्याबाबतचा मेसेज एनआयसी द्वारे पाठविला जाईल. मगच दुसऱ्या प्रतिक्षा यादीतील विद्याथ्र्यांनी अलॉटमेंट लेटर काढून विहित मुदतीत प्रवेश घ्यावा. अशा पद्धतीने आरटीई प्रवेश पात्र शाळांची प्रवेश क्षमता पूर्ण होईपर्यंत तिसऱ्या आणि चौथ्या प्रतिक्षा यादीतील विद्यार्थ्यांना एनआयसी कडून मेसेज पाठविले जातील.

४. सोडत लॉटरी झाल्यांनतर पडताळणी समितीला आर.टी.ई. पोर्टलवर त्यांच्या लॉगीनला विद्यार्थ्यांची नावे व मोबाईल क्रमांक दिले जातील. विद्यार्थ्यांच्या नावापुढे ज्या दिनांकास विद्यार्थ्यांना प्रवेशासाठी बोलावले आहे त्या पालकांकडून मूळ कागदपत्रे व एक छायांकित प्रत पडताळणी समितीने प्राप्त करून घ्यावी. कागदपत्राची प्राथमिक तपासणी करुन योग्य असल्यास विद्यार्थ्यांच्या नावापुढे ऑनलाईन नोंद करावी तसेच पालकाकडील अलॉटमेंट लेटर वर तात्पुरता प्रवेश दिला असे नोंद करावे व ती नोंद करुन पालकांना परत करावे तसेच पालकांकडून हमीपत्र भरून घ्यावे.

५. काही पालक मुळ गावी किंवा अन्य जागी स्थलांतर होण्याची शक्यता असते. त्यामुळे दिलेल्या तारखेस पालक आलेले नाही तर त्यांना पुन्हा दोन संधी देण्यात याव्यात. बालकांना प्रवेश घेण्याकरीता पालकांनी पडताळणी समितीशी संपर्क साधावा.

६. कागदपत्रे तपासणी करण्याकरीता गटशिक्षणाधिकारी यांच्या अध्यक्षतेखाली पडताळणी समिती गठीत करण्यात यावी. पडताळणी समितीची रचना खालीलप्रमाणे.

७. पडताळणी समितीने प्रवेशपात्र बालकांच्या प्रवेशाकरीता आवश्यक त्या सर्व कागदपत्रांची पडताळणी

करावी. गटशिक्षणाधिकारी यांनी प्रत्येक बालकाला प्रवेशाकरीता तीन संधी देऊनही पालकांनी संपर्क

केला नाही अथवा प्रवेशासाठी आले नाही तर विहित मुदतीत आरटीई पोर्टल वर Not Approach अशी नोंद करावी. पडताळणी समिती केंद्रावर गर्दी होणार नाही व बालक प्रवेशापासून वंचित राहणार नाही याची दक्षता घ्यावी.

८. पडताळणी समितीने बालकाच्या प्रवेशाबाबतची सविस्तर माहिती पोर्टलवर भरावी. ९. पडताळणी समितीने मागील वर्षी प्रवेशित विद्यार्थ्यांची आकडेवारी विचारात घेवून पडताळणी विषयक कामकाज वेळेत होईल या दृष्टीने नियोजन करावे, पडताळणी समितीने रहिवासी पत्ता, गुगल वरील पत्ता आणि बालकाचे वय याची पडताळणी करावी. १०. समितीने बालकाचे कागदपत्रे तपासणी करून प्रमाणित केल्यानंतर सदर बालकांना प्रवेश देण्याची सुविधा

आर.टी.ई. पोर्टलवर उपलब्ध करुन देण्यात आली आहे. पडताळणी समितीने कागदपत्र तपासणीअंती पात्र केलेल्या बालकांचे पालक गटशिक्षणाधिकारी यांचे स्वाक्षरीचे पत्र घेवून शाळेत जातील. शाळा स्तरावर कोणत्याही कागदपत्रांची तपासणी करता येणार नाही. जे विद्यार्थी कागदपत्रे तपासणीमध्ये अपात्र होतील त्यांची निवड रद्द करण्यात यावी. अशा रद झालेल्या विद्यार्थ्यांना संबंधित जिल्ह्याच्या शिक्षणाधिकारी (प्राथमिक) यांचेकडे तक्रारीची दाद मागता येईल. शिक्षणाधिकारी (प्राथमिक) यांचा निर्णय मान्य नसल्यास विभागीय शिक्षण उपसंचालक यांचेकडे दाद मागता येईल व त्यांचा निर्णय अंतिम राहील. शासन निर्णय दिनांक २१.०४.२०१४ नुसार शिक्षणाधिकारी (प्राथमिक) यांनी जिल्हा, तालुका व न.पा./ म.न.पा. स्तरावर तक्रार निवारण केंद्र व मदत केंद्राची स्थापना करावी.

११. प्रतिक्षा यादीमध्ये नाव आहे याचा अर्थ प्रवेश निश्चित होईलच असा नाही. १२. पालकांनी केवळ SMS वर अवलंबून न राहता RTE Portal वर वेळोवेळी दिलेल्या सूचनांचे अवलोकन

करावे व सदरील माहितीचा लाभ घ्यावा.

१३. विहित मुदतीनंतर प्रवेशासाठी शाळेत जागा रिक्त असल्या तरीही कोणत्याही परिस्थितीत बालकाला

प्रवेश दिला जाणार नाही याची सर्व पालकांनी नोंद घ्यावी. विहित मुदतीनंतर प्रवेशासाठी कोणत्याही

पालकाच्या अर्जाची किया निवेदनाची दखल घेतली जाणार नाही याची सर्व पालकांनी नोंद घ्यावी. १४. सदरील सूचनांचे काटेकोरपणे पालन करून त्याची अंमलबजावणी करावी.

महाराष्ट्र शैक्षणिक शुल्क प्रतिपूर्ती योजना

महाराष्ट्र शैक्षणिक शुल्क प्रतिपूर्ती योजना

महाराष्ट्र शासनाद्वारे राज्यातील मागासवर्गीय विद्यार्थ्यांना उच्च शिक्षण घेता यावे तसेच शिक्षण शुल्का अभावी त्यांचे शिक्षण अबाधित राखण्यासाठी शासनाकडून निरंतर प्रयत्न केले जातात. या उद्देशापोटी शासनातर्फे 2006-07 या शैक्षणिक वर्षापासून शासनाच्या उच्च व तंत्र शिक्षण विभाग, कृषी विभाग ,वैद्यकीय शिक्षण व औषधी द्रव्ये विभाग, पशुसंवर्धन, दुग्ध व्यवसाय आणि मत्स्य व्यवसाय विभाग या विभागांच्या अधिकाराखाली येणाऱ्या मान्यताप्राप्त खाजगी विनाअनुदानित व कायम विनाअनुदानित संस्थांमध्ये प्रवेश घेणाऱ्या विद्यार्थ्यांना शैक्षणिक शुल्क प्रतिपूर्ती करण्यासाठी निर्णय घेण्यात आला.

सदर योजना ही दिनांक 31 मार्च 2016 पासून अनुसूचित जाती, विमुक्त जाती, भटक्या जमाती, इतर मागास वर्ग व विशेष मागास प्रवर्गातील विद्यार्थ्यांना शैक्षणिक शुल्क प्रतिपूर्ती करण्यास शासनातर्फे मुदतवाढ देण्यात आली.

शैक्षणिक शुल्क प्रतिपूर्ती योजना

योजना अंतर्गत समाविष्ट करण्यात आलेले अभ्यासक्रम

• आरोग्य विज्ञान पदवी (DEGREE) अभ्यासक्रमा अंतर्गत : वैद्यकीय, दंत, होमिओपॅथी, युनानी, आयुर्वेद, भौतिकोपचार, व्यवसायोपचार व नर्सिंग अभ्यासक्रम.
• उच्च व तंत्रशिक्षण अभ्यासक्रम :

पदविका (Diploma)	अभियांत्रिकी (Engineering), औषध निर्माण(Pharmacy), एच.एम.सी.टी. (Hotel Management)
पदवी (Degree/Graduation)	अभियांत्रिकी (Engineering), औषध निर्माण(Pharmacy), एच.एम.सी.टी. (Hotel Management) , वास्तुशास्त्र.
पदव्युत्तर पदवी (Post Graduation)	एम.बी.ए. / एम.एम.एस. , एम.सी.ए.

• कृषी, पशुसंवर्धन व दुग्धव्यवसाय विकास व मत्स्यव्यवसाय अभ्यासक्रमांतर्गत शासकीय कोट्यातून प्रवेश घेतलेल्या विद्यार्थ्यांना शासनाने निर्धारित केलेल्या दराप्रमाणे शिक्षण शुल्काची प्रतिपूर्ती खालील अभ्यासक्रमांसाठी लागू राहील.

कृषी विद्यालय – पदविका (Diploma)

दुग्धव्यवसाय विकास – पदविका (Diploma)

कृषी व संलग्न विषयांची महाविद्यालये – पदवी व पदव्युत्तर(Graduation / Post Graduation)

कृषी जैवतंत्रज्ञान महाविद्यालये – पदवी व पदव्युत्तर

कृषी अन्नतंत्रज्ञान महाविद्यालये – पदवी व पदव्युत्तर

• बी.एड. व डी.एड. अभ्यासक्रम

योजनेअंतर्गत पात्रता, अटी व शर्ती

• विद्यार्थी हा महाराष्ट्र राज्यातील रहिवासी असणे गरजेचे आहे.
• विमुक्त जाती, भटक्या जमाती, इतर मागास वर्ग व विशेष मागास प्रवर्गातील विद्यार्थ्यांच्या पालकांचे (दोन्ही पालकांचे एकत्र) उत्पन्न 4.50 लाखाच्या वर नसावे.प्रथम वर्ष योजनेचा लाभ घेतल्यास ही सवलत अभ्यासक्रम पूर्ण होईपर्यंत सुरू राहील.
• राज्यातील मान्यताप्राप्त विनाअनुदानित व कायम अनुदानित शिक्षण संस्थांमध्ये व्यवसायिक शिक्षण संस्थांमध्ये प्रवेश घेतलेल्या अनुसूचित जाती, विमुक्त जाती, भटक्या जमाती व विशेष मागास प्रवर्गातील विद्यार्थ्यांना शिक्षण शुल्क व परीक्षा शुल्क ची 100% प्रतिपूर्ती तसेच इतर मागास वर्गांच्या विद्यार्थ्यांना शिक्षण शुल्क व परीक्षा शुल्क ची 50% प्रतिपूर्ती करण्यात येईल.
• योजनेचा लाभ फक्त शासकीय कोट्यातून प्रवेश घेणाऱ्या विद्यार्थ्यांसाठीच लागू राहील.
• आरक्षणाचा लाभ न घेता खुल्या जागांवर प्रवेश घेणाऱ्या अनुसूचित जाती, विमुक्त जाती, भटक्या जमाती, इतर मागास वर्ग व विशेष मागास प्रवर्गातील विद्यार्थी सुद्धा या योजनेचा लाभ घेण्यास पात्र असतील.
• तंत्रशिक्षण विभागाअंतर्गत अभ्यासक्रमासाठी ज्या विद्यार्थ्यांनी शासनाच्या सेन्ट्रलाइज्ड ऍडमिशन प्रोसिजर(CAP)द्वारे प्रवेश घेतला असेल त्या विद्यार्थ्यांना या योजनेचा लाभ मिळेल.
• AIEEE कोट्यातून प्रवेश घेणाऱ्या महाराष्ट्र राज्यातील अनुसूचित जाती, विमुक्त जाती,भटक्या जमाती, इतर मागास वर्ग व विशेष मागास प्रवर्गातील विद्यार्थ्यांनाही या योजनेचा लाभ घेता येईल.
• जर एखादा विद्यार्थी कुठल्याही अन्य योजनेच्या माध्यमातून शिष्यवृत्ती अथवा शुल्क प्रतिपूर्ती चा लाभ घेत असेल तो विद्यार्थी या योजनेकरिता पात्र असणार नाही.
• विद्यार्थ्यांची महाविद्यालयात / कॉलेजमध्ये वर्गात उपस्थिती अनिवार्य आहे तसेच प्रत्येक सत्राची (सेमिस्टर) किंवा वार्षिक परीक्षा देणे आवश्यक आहे.
• पात्र विद्यार्थ्याने एखाद्या सत्राची (सेमिस्टर) परीक्षा दिली नसल्यास किंवा एखाद्या शैक्षणिक वर्षात अनुत्तीर्ण झाल्यामुळे त्या वर्षासाठी प्रवेश मिळाला नसल्यास पुढील वर्षाकरिता या योजनेअंतर्गत सदर विद्यार्थी तो पात्र असणार नाही. परंतु त्यानंतर जर परत तो विद्यार्थी सत्र परीक्षा किंवा किंवा वार्षिक परीक्षा उत्तीर्ण झाल्यानंतर किंवा अंशतः पास (ATKT) झाला असल्यास त्या अभ्यासक्रमाच्या पुढील शैक्षणिक वर्षासाठी प्रवेश मिळाल्यास सदर योजनेतील लाभासाठी पात्र असेल.
• जो विद्यार्थी अभ्यासक्रमाच्या एकूण कालावधीत दोन किंवा त्यापेक्षा अधिक वेळी पूर्णपणे अनुत्तीर्ण झाल्यामुळे त्या अभ्यासक्रमाच्या पुढील शैक्षणिक वर्षासाठी प्रवेश मिळाला नसेल तर संबंधित विद्यार्थी त्या अभ्यासक्रमाच्या उर्वरित कालावधी साठी योजनेअंतर्गत कायमस्वरुपी अपात्र ठरविण्यात येईल.

लागणारी महत्त्वाची कागदपत्रे

• आधार कार्ड
• विमुक्त जाती, भटक्या जमाती, इतर मागास वर्ग व विशेष मागासप्रवर्गातील विद्यार्थ्यांना पहिल्या वर्षी प्रवेश घेताना पालकांचा (दोन्ही पालकांचे  एकत्र) उत्पन्नाचा दाखला तहसीलदार यांच्याकडून घ्यावा लागेल.
• महाराष्ट्र राज्याचे अधिवास प्रमाणपत्र (Domicile Certificate).
• अनुसूचित जाती, विमुक्त जाती,भटक्या जमाती, इतर मागास वर्ग व विशेष मागास प्रवर्गातील विद्यार्थ्यांना सक्षम अधिकाऱ्याकडून मिळालेला जातीचा दाखला.

योजनेंतर्गत अर्ज करण्याची प्रक्रिया 

योजनेंतर्गत अर्ज करण्यासाठी लाभार्थी विद्यार्थ्याला वरील लागणारी संपूर्ण महत्वाची कागदपत्रे तो शिक्षण घेत असलेल्या महाविद्यालयात / कॉलेज अथवा संस्थेमध्ये जमा करावे लागतील. विद्यार्थ्यांचा अर्ज हा संस्थेमार्फत / महाविद्यालयांमार्फतच शासनाकडे मंजुरी साठी पाठविण्यात येतो.

योजनेबद्दल सविस्तर माहिती हवी असल्यास इथे क्लिक करा

कॉलेज शिष्यवृत्ती (स्कॉलरशिप) फॉर्म-2022/23 ऑनलाइन प्रक्रिया सुरू

कॉलेज शिष्यवृत्ती (स्कॉलरशिप) फॉर्म-2022/23 ऑनलाइन प्रक्रिया सुरू

खालील प्रमाणे कागदपत्रे:

1. दहावी मार्कशीटचा नक्कल पत्र

2. बारावी मार्कशीटचा नक्कल पत्र

3. शाळा सोडल्याचा दाखलाचा नक्कल पत्र

4.जातीचा दाखलाचा नक्कल पत्र

5. उत्पन्न दाखलाचा नक्कल पत्र

6.रेशन कार्डचा नक्कल पत्र

7.ऍडमिशन पावती

8.सर्व सेमिस्टर मार्कशीट चा नक्कल पत्र

9. शिफारस पत्र(बोनफाईट)

Contract As:

10 वी आणि 12वी साठी 17 नंबर फॉर्म ऑनलाईन फॉर्म [Online Form]

Maharashtra State Board Education 

        

         जे विद्यार्थी इ.10 वी आणि 12वीच्या परीक्षामध्ये नापास झाले असेल किंवा परीक्षा दिली नसेल त्या विद्यार्थीकरिता 10 वी आणि 12वी साठी 17  नंबर फॉर्मचा ऑनलाइन फॉर्म भरण्यास प्रक्रिया सुरू आहे. 

        इ. 10 वी आणि 12वी साठी 17  नंबर फॉर्म या ऑनलाईन फॉर्मविषयी अधिक माहिती खालील जन सेवा केंद्राकडे संपर्क करावे.

यशवंतराव चव्हाण महाराष्ट्र मुक्त विद्यापीठ तर्फे पदवी, पदविका आणि उच्च पदवी चा प्रवेश प्रक्रिया

यशवंतराव चव्हाण महाराष्ट्र मुक्त विद्यापीठ तर्फे पदवी, पदविका आणि   उच्च पदवी चा प्रवेश प्रक्रिया

यशवंतराव चव्हाण महाराष्ट्र मुक्त विद्यापीठ तर्फे पदवी, पदविका आणि   उच्च पदवी चा प्रवेश प्रक्रिया सुरु आहे. लोकांच्या किंवा व्यक्तीच्या  सामाजिक, राजकीय आर्थिक इ. परिस्थितीमुळे काही लोकांना किंवा व्यक्तींना शिक्षण पूर्ण करता आले नाही त्या लोकांना किंवा व्यक्तींना यशवंतराव चव्हाण महाराष्ट्र मुक्त विद्यापीठ यामुळे शैक्षणिक पदव्या उपलब्ध करण्यात आले आहे.

  

यशवंतराव चव्हाण महाराष्ट्र मुक्त विद्यापीठ तर्फे कला, वाणिज्य आणि विज्ञानाच्या पदविका, पदवी आणि उच्च पदवी इ. उपलब्ध करण्यात आल्या आहे.

Diploma in Pharmacy Admissions Process 2022

शैक्षणिक पात्रता:

1.बारावी पास

2.LC

3.अधिवास दाखला

4.जातीचा दाखला

5.Caste validity

6.आधार कार्ड

7.रेशन कार्ड

8.ई-मेल व मोबाईल न

9.फोटो

तंत्रनिकेतन पदविका प्रवेश प्रकिया 2022

पॉलिटेक्निक डिप्लोमा ऍडमिशन फॉर्म 2022

तंत्रनिकेतन पदविका प्रवेश प्रकिया 2022 च्या खालील प्रमाणे:
[  ] Mechanical Engineering
[  ] Civil Engineering
[  ] Electrical Engineering
[  ] Electronic Engineering
[  ] Electronic and Telecommunication Engineering
[  ] Information Technology
[  ] Computer Engineering
[  ] Rubber Engineering

●शैक्षणिक पात्रता:
1. दहावी पास
2. शाळा सोडल्याचा दाखला
3. आधार कार्ड झेरॉक्स
4. अधिवास दाखला झेरॉक्स
5. जातीचा दाखला
6. जात पडताळणी दाखला
7. फोटो
8. ई-मेल आयडी व मोबाईल नंबर 

जवळील csc la संपर्क:

ITI कसे करायचे? ऍडमिशन,फी, पात्रात, आणि नोकरीची संधी

तर विद्यार्थी मित्रांनो आपण मागच्या लेखात अनेक विषयावर लेख पाहिले. तर आज आपण एका अतिशय महत्त्वाच्या विषयावर आपण पाहणार आहोत. तो विषय म्हणजे आयटीआय ITI कशी करायची? आयटीआय म्हणजे काय? आयटीआय हा कोर्स कोण करू शकतो? आयटीआय ची ऍडमिशन प्रोसेस काय असते? व आपण आयटीआयला ॲडमिशन कसे मिळवायचे? इत्यादी असे अनेक आयटीआय बद्दलची संपूर्ण माहिती आपण मराठी भाषेत माहिती मिळविणार आहोत.

  तर आजच्या या स्पर्धेच्या युगात प्रत्येक विद्यार्थ्याला असे वाटते की कमी वयात चांगली नोकरी मिळवून जीवनात यशस्वी व्हावे. आणि आजच्या या स्पर्धेच्या युगात आयटीआय हा एक असा कोर्स आहे जोकी विद्यार्थ्याला चांगली नोकरी मिळविण्याची संधी मिळते. आणि कमी वेळेत व कमी पैसे मध्ये हा कोर्स पूर्ण करून आपण चांगली मोठ्या नामांकित कंपनीमध्ये काम करू शकतो. कारण आजच्या या स्पर्धेच्या युगात खाजगी महाविद्यालय किंवा कॉलेज अधिक जास्तीत जास्त पैसे घेऊन शिक्षण दिले जातात. 

आपण आजच्या या लेखामध्ये खाली दिल्या प्रमाणे किंवा या अनुक्रमे नुसार काही महत्वाचे मध्ये पाहणार आहोत :- 

1. आयटीआय ITI म्हणजे काय?

2. आयटीआय (ITI) व डिप्लोमा इंजीनियरिंग (Polytechnic) या दोघांमध्ये काय फरक आहे? 

3. आयटीआय ITI हा कोर्स किती वर्षाचा असतो?

4. आयटीआय ITI कोर्स करण्यासाठी आपली शैक्षणिक योग्यता किंवा पात्रता काय असावी? Eligibility Criteria / Qualification?

5. आयटीआय ITI कोर्स ची फी किती असते?

6. आयटीआय ITI कोर्स अभ्यासक्रमाची यादी.

7. आयटीआय ITI कोर्स नंतर काय?

8. अंतिम निष्कर्ष :-

 •~ The Full Form of ITI (Industrial Training Institute) औद्योगिक प्रशिक्षण संस्था  ~•

1. आयटीआय ITI म्हणजे काय? 

ITI म्हणजे Industrial Training Institute औद्योगिक प्रशिक्षण संस्था होय. ITI म्हणजे शासनाची मान्यताप्राप्त असलेली अनेक विविध प्रकारचे व्यावसायिक प्रशिक्षण देणारी संस्था आहे. वाढती इंडस्ट्रीज च्या गरजा लक्षात घेऊन राज्य सरकारने या कोर्सची सुरुवात केली. तर मित्रांनो आयटीआय हा एक असा कोर्स आहे जो की तुम्ही कमी वयात शिक्षण पूर्ण करून एखाद्या मोठ्या नामांकित कंपनीमध्ये काम करू शकता. 

2. आयटीआय (ITI) व डिप्लोमा इंजीनियरिंग (Polytechnic) या दोघांमध्ये काय फरक आहे? 

            तर सर्व विद्यार्थ्यांना असे वाटते की आयटीआय (ITI) व डिप्लोमा इंजीनियरिंग (Polytechnic) हे दोन्ही कोर्स सारखे आहेत. तर तसं नाही या दोघांमध्ये खूप मोठा फरक आहे. कारण आयटीआय कोर्स हा 2 वर्षाचा असतो. आणि डिप्लोमा इंजीनियरिंग (Polytechnic) हा कोर्स 3 वर्षाचा असतो. तर आयटीआय करणार्या विद्यार्थ्यांचा हा फायदा आहे की ते 2 वर्षांनंतर लगेच विद्यार्थ्यांला एखाद्या मोठ्या नामांकित कंपनीमध्ये नोकरी मिळवता येते. आणि डिप्लोमा इंजीनियरिंग करणाऱ्या विद्यार्थ्याला कोर्सच्या विषयांमध्ये त्यांना चांगला नॉलेज मिळतो आणि त्यांना हवी असेल तर पुढचा शिक्षणही घेता येतो. 

3. आयटीआय ITI हा कोर्स किती वर्षाचा असतो?

         तर विद्यार्थी मित्रांनो आयटीआय या कोर्सचा कालावधी 2 वर्षाचा हा कोर्स असतो. यामध्ये विद्यार्थ्यांना टेक्निकल एज्युकेशन चा शिक्षण दिला जातो. आणि काही कोर्स 6 महिना, 9 महिना व 1 वर्षाचे सुद्धा असतात. त्यामध्ये सुद्धा 2 प्रकारचे ट्रेड Trade असतात इंजीनियरिंग ट्रेड (Engineering Trade) आणि नॉन इंजीनियरिंग ट्रेड (Non Engineering Trade)

4. आयटीआय ITI कोर्स करण्यासाठी आपली शैक्षणिक योग्यता किंवा पात्रता काय असावी? Eligibility Criteria / Qualification?

         तर सर्व विद्यार्थ्यांना प्रश्न पडलेला असतो की आयटीआय कोर्स करण्यासाठी आपली योग्यता व पात्रता काय असावी लागते? तर विद्यार्थी हा कोणत्याही मान्यताप्राप्त असलेल्या विद्यालयातून किंवा शाळेतुन 8th, 10th आणि 12th पास होणे गरजेचे असते. आणि दहावी व आठवीच्या सर्व परीक्षेमध्ये उत्तीर्ण गुण मिळविणे अनिवार्य असते. किंवा आयटीआय कोर्स करण्यासाठी प्रवेश परीक्षा (Entrance Exam) सुद्धा घेतली जाते. त्यामध्ये तुम्हाला दोन प्रकारचे कॉलेज अलोट होतात ते म्हणजे Government College आणि Private College त्यानुसार तुम्ही आवडते कॉलेज निवडू शकता. 

5. आयटीआय ITI कोर्स ची फी किती असते?

           आयटीआय कोर्स ची फी एका वर्षासाठी 5000/ वर्ष पासून सुरुवात होते. आणि काही प्रायव्हेट कॉलेजेस मध्ये 25 हजार ते 50 हजार पासून फी असते. आणि आपणाला सरकारी कॉलेज मध्ये ॲडमिशन मिळवायचे असेल तर त्या कॉलेजची फी कमी असते. व खाजगी कॉलेज ची फी ही जास्त असते. त्यामध्ये सरकारी कॉलेज मध्ये प्रति वर्षे 7 हजार ते 10 हजार इतकी फी आकारली जाते. 

6. आयटीआय ITI कोर्स अभ्यासक्रमाची यादी.

          आपण पाहायला गेले तर आयटीआय कोर्स चे अभ्यासक्रम हे 100+ आहेत. त्यामध्ये आपण आपल्या आवडी चा कोणताही कोर्स निवडू शकतो. तर या लेखांमध्ये आपण काही प्रमुख कोर्सची नावे देणार आहोत ते सध्या Top Level ला आहेत.

∆ 10th नंतरचे आयटीआय ITI कोर्स अभ्यासक्रमाची यादी खालील प्रमाणे  :- 

कोर्सची नावे	कालावधी	नोकरीचे प्रकार
फिटर (Fitter)	2 वर्षे	Fitter, Welder, Technician, Mechanical fitter, Pipe fitter, Trainer इत्यादी.
इलेक्ट्रिशियन (Electrician)	2 वर्षे	Supervisor, Technician, Wireman, Lineman, Repair Expert इत्यादी.
प्लंबर (Plumber)	1 वर्ष	Plumber, Pipe Fitter, Roof Plumber इत्यादी.
मशीन टूल मेंटेनन्स (Machine Tool Maintenance)	2 वर्षे	Mechanical fitter, Compressor attendant, Mechanical tool maintenance, Auto mechanical diesel, Brass finisher इत्यादी.
क्राफ्टस्मन फुड प्रोडक्शन (Craftsman Food Production)	1 वर्ष	Food safety associate, Skilled knife operator, Cleaning operative इत्यादी.
वेल्डर (Welder)	1 वर्ष	Welder, Tack Welder, Fabricator helper, Arc welder, Steel Welder इत्यादी.
पेन्ट टेक्नॉलॉजी (Paint Technology)	2 वर्षे	Painter, Wood Painter, 3D Texturing Artist इत्यादी.
मेकॅनिक डिझेल (Mechanic Diesel)	1 वर्ष	Spare parts sales assistant, Autodiesel engines mechanic, Auto fitter इत्यादी.
सिव्हिल (Civil Draughtsman)	2 वर्षे	Structural droughtsman, architectural assistant इत्यादी.
संगणक ऑपरेटर आणि प्रोग्रामिंग सहाय्यक (Computer Operator and Programming Assistant)  7. आयटीआय ITI कोर्स नंतर काय?             डिप्लोमा कोर्स म्हणजेच तांत्रिक किंवा अभियांत्रिकीय अभ्यासक्रमात आयटीआयचे प्रशिक्षण पूर्ण केलेल्या विद्यार्थ्यांसाठी अनेक प्रकारचे अभियांत्रिकी डिप्लोमा अभ्यासक्रम उपलब्ध आहेत ते तुम्ही करू शकता. विद्यार्थी सार्वजनिक क्षेत्रातील किंवा खाजगी क्षेत्रातील नोकरी करू शकता. किंवा विद्यार्थी स्वतःचा व्यवसाय सुद्धा सुरू करू शकतात त्यामध्ये वेल्डर (Welder), इलेक्ट्रिशियन(Electrician) चे दुकान काढू शकता.  8. अंतिम निष्कर्ष :-           तर विद्यार्थी मित्रांनो तुम्हाला सर्वांना या लेखांमधून समजले असेल की आयटीआय कशी करायची? आयटीआय म्हणजे काय? आयटीआय हा कोर्स कधी करतात? व त्यासाठी आपली शैक्षणिक पात्रता किंवा योग्यता काय आहे? इत्यादी अशा अनेक गोष्टी किंवा बाबींचा तुम्हाला सर्वांना कळालेच असेल. तरी विद्यार्थी मित्रांनो तुम्हाला जर आयटीआय कशी करायची? याबद्दल अजून काही माहिती हवी असेल किंवा आयटीआय बद्दल शंका असतील तर आपण कॉमेंट बॉक्स (Comment Section) मध्ये विचारू शकता.          तर विद्यार्थी मित्रांनो तुम्हाला आजच्या या लेखातून समजले असेल की आयटीआय ITI हा कोर्स कशी करायची? इत्यादी तर तुम्हाला हा लेख आवडल्यास जास्तीत जास्त तुमच्या मित्र-मैत्रिणींना शेअर करा जेणेकरून त्यांनाही समजेल की आयटीआय ITI कशी करायची? किंवा आयटीआय ITI म्हणजे काय? व त्यानुसार तुम्ही आयटीआय ITI या कोर्सच्या तयारीला लागू शकाल. हे हि वाचा …	1 वर्ष	Computer operator, Data entry, Control operator, Data Capturer, Customer service operators इत्यादी.

आयटीआय प्रवेश प्रक्रिया सन 2022-23

आयटीआय प्रवेश प्रक्रिया सन 2022-23

इ. ११ वी प्रवेश प्रक्रिया २०२२-२३

Contact As:

दहावीच्या निकालाची तारीख जाहीर

ITI रोजगार व स्वयंरोजगार संधी

शाळांना सुट्ट्या; पुढील शैक्षणिक वर्ष १४ जूनपासून सुरू होणार

राज्यातील प्राथमिक, माध्यमिक व उच्च माध्यमिक शाळांना शनिवार दि. १ मे, २०२१ पासून उन्हाळी सुट्टी लागू करण्याबाबत सूचना देण्यात आल्या असून या सुट्टीचा कालावधी दि.१३ जून, २०२१ पर्यंत ग्राह्य धरण्यात येणार आहे.

पुढील शैक्षणिक वर्ष २०२१-२२ मध्ये सोमवार दि. १४ जून २०२१ रोजी शाळा सुरू करण्यात येतील, तर जून महिन्यातील विदर्भाचे तापमान विचारात घेता उन्हाळ्याच्या सुट्टीनंतर सोमवार दि. २८ जून, २०२१ रोजी शाळा सुरू होतील. या संदर्भात शिक्षण संचालकांनी नुकतेच सर्व विभागीय शिक्षण उपसंचालक, शिक्षणाधिकारी यांना एका पत्राद्वारे कळविण्यात आले आहे.

राज्यातील प्राथमिक, माध्यमिक व उच्च माध्यमिक शाळातून उन्हाळ्याची व दिवाळीची सुट्टी याबाबत सुसूत्रता राहावी म्हणून शिक्षण संचालनालयामार्फत दरवर्षी शैक्षणिक वर्षातील सुट्ट्यांची निश्चिती करण्यात येते. त्यानुसार सुट्यांबाबत या सूचना जिल्ह्यातील सर्व मान्यताप्राप्त शासकीय-अशासकीय, प्राथमिक, माध्यमिक व उच्च माध्यमिक शाळा, कनिष्ठ महाविद्यालये व सैनिक शाळा यांना देण्यात आल्या आहेत.

शाळांतून उन्हाळ्याची व दिवाळीची दीर्घ सुट्टी कमी करून त्याऐवजी गणेशोत्सव किंवा नाताळ यासारख्या सणांचे प्रसंगी ती समायोजनाने संबंधित जिल्ह्याच्या शिक्षणाधिकारी (प्राथमिक /माध्यमिक) यांच्या परवानगीने देण्यात येते.

माध्यमिक शाळा संहिता नियम ५२.२ नुसार शैक्षणिक वर्षातील सर्व प्रकारच्या एकूण सुट्टया ७६ दिवसांपेक्षा जास्त होणार नाहीत, याची दक्षता घेण्यात यावी.

सध्या राज्यात कोरोना विषाणूचा प्रादुर्भाव रोखण्यासाठी खबरदारी म्हणून राज्यातील सर्व महानगरपालिका, सर्व नगरपालिका व सर्व नगरपंचायत क्षेत्रातील सर्व सरकारी व खाजगी प्राथमिक माध्यमिक कनिष्ठ महाविद्यालय हे सध्या बंद आहेत. सन २०२१-२२ या शैक्षणिक वर्षात शाळा सुरू करण्याबाबत कोविड-१९ च्या प्रादुर्भावाची तत्कालीन परिस्थिती विचारात घेऊन शासन स्तरावरून वेळोवेळी जे आदेश निर्गमित होतील ते यथावकाश संचालनालयाकडून निर्गमित करण्यात येतील, असे या पत्रात नमूद करण्यात आले आहे.

अखेर दहावी, बारावीची परीक्षा पुढे ढकलली; मे-जुनमध्ये होणार परीक्षा

 राज्यातील करोना संसर्गाची स्थिती पाहता दहावी व बारावीच्या परीक्षा पुढे ढकलण्याचा निर्णय घेण्यात आला आहे. राज्याच्या शालेय शिक्षणमंत्री प्रा. वर्षा गायकवाड यांनी ट्विटरवर व्हिडीओद्वारे ही माहिती दिली आहे. आता बारावीची परीक्षा मे अखेरीस तर दहावीची परीक्षा जुनमध्ये घेण्याचे नियोजित आहे.

गेल्या महिन्याभरापासुन राज्यात करोना रुग्णांची संख्या मोठ्या प्रमाणावर वाढत आहे. त्यामुळे दहावी, बारावीची परीक्षा घेण्याबाबत पेच निर्माण झाला होता. अशा परिस्थितीत परिक्षा घेणे विद्यार्थ्यांच्या आरोग्याच्या दृष्टीने धोकादायक असल्याने परिक्षा पुढे ढकलण्यात यावी किंवा ऑनलाईन पद्धतीने घ्यावी, अशी मागणी होत होती. या पार्श्‍वभुमीवर आज शिक्षण विभागाची मुख्यमंत्री उद्धव ठाकरे यांच्यासोबत चर्चा झाल्यानंतर अखेर या परीक्षा पुढे ढकलण्याचा निर्णय घेण्यात आला. शालेय शिक्षण मंत्री वर्षा गायकवाड यांनी ट्वीटरवर यासंदर्भात माहिती देणारा व्हिडीओ पोस्ट केला आहे.

दरम्यान, दहावी आणि बारावीच्या परीक्षा नेमक्या किती तारखेला घेणार, याविषयी राज्य सरकारने अद्याप निर्णय घेतलेला नाही. मात्र, दहावीच्या परीक्षा जूनमध्ये तर बारावीच्या परीक्षा मे महिन्याच्या अखेरीस होतील. त्याअनुषंगाने नियोजन करून परीक्षेच्या तारखा जाहीर केल्या जातील, असं वर्षा गायकवाड यांनी स्पष्ट केलं आहे.

माध्यमिक शालांत प्रमाणप्रत (इयत्ता-१०) परीक्षेचे वेळापत्रक

माध्यमिक शालांत प्रमाणप्रत (इयत्ता-१०) परीक्षेचे वेळापत्रक