जव्हारमध्ये तिसरा कोरोना पॉझिटीव्ह

 जव्हार तालुक्यातील कोरोना पॉझिटीव्ह व्यक्तींची संख्या आता 3 झाली आहे. भांडूप (मुंबई) येथून 19 वर्षीय युवक जव्हारमधील नातेवाईकांकडे आला होता. रेड झोनमधून आल्याने इन्स्टीट्यूशनल क्वारन्टाईन करुन त्याच्या घशाचे नमुने घेतले असता, तो पॉझिटीव्ह आढळून आला आहे.

त्या आधी जव्हारमधील सर्वात पहिला कोरोना रुग्ण एक 29 वर्षीय महिला (गोरवाडी) ठरली होती. ही महिला भिवंडी येथील माहेरी जाऊन आली होती. तीचा भाऊ मुंबईतील बेस्टच्या सेवेत चालक आहे. त्यानंतर ठाणे कारागृहातील अटकेतून पॅरोलवर सुटलेल्या व जव्हार तालुक्यात (ऐने) परतलेल्या 30 वर्षीय कैद्याचा तपासणी अहवाल कोरोना पॉझिटीव्ह निघाला होता.