डहाणू, तलासरी तालुक्यातील गावांना भूकंपाचे धक्के ; नागरिकांमध्ये भीतीचे वातावरण

शनिवारी (27 मे) एका पाठोपाठ दोन भूकंपाचे धक्के बसल्याने परिसरातील नागरिकांमध्ये चांगलीच घबराट पसरली आहे. सुदैवाने या भूकंपाची तीव्रता मी असल्याने कोणतीही जीवितहानी किंवा वित्तहानी झालेली नाही. भूकंपाचे धक्के जाणवताच नागरिक घराबाहेर पडले आणि सुरक्षित ठिकाणी जाऊन थांबले.

भूकंपाच्या धक्क्यांनी पालघर जिल्ह्यातील डहाणू , तलासरी  तालुक्यातील काही गावं पुन्हा हादरली आहेत. मागील काही वर्षांपासून डहाणू, तलासरी तालुक्यातील गावांना भूकंपाचे धक्के बसत आहेत. गेल्या सहा महिन्यांपासून भूकंपाचे धक्के थांबले होते. मात्र, शनिवारी लागोपाठ दोन भूकंपाचे धक्के जाणवले. पहिला धक्का सकाळी 5 वाजून 16 मिनिटाला 3.5 रिस्टर स्केलचा, तर 5 वाजून 24 मिनिटांनी जाणवलेल्या दुसऱ्या भूकंपाची तीव्रता 3.3 रिस्टर स्केल एवढी करण्यात आली .

डहाणू, तलासरी परिसरातील गावांना  भूकंपाचे धक्के बसत असल्याने सर्वसामान्य नागरिकांमध्ये भीतीचे वातावरण निर्माण झाले आहे. डहाणू, घोलवड, बोर्डी, धुदवाडी, तलासरी ही गावं भूकंपाच्या धक्क्याने हादरली आहेत. गुजरात राज्यातील उंबरगाव,  आणि दादरा-नगर हवेली येथील सिल्वासापर्यंत भूकंपाचे हादरे बसले आहेत. यात जीवितहानी झाली नसून काही घरांना मात्र तडे गेले आहेत.

मागील महिन्याभरात भूकंपाचा हा दुसरा जोरदार धक्का बसल्याच्या या घटनेने अनेक तर्कवितर्क लावले जात असून चर्चांना उधाण आले आहे. 23 नोव्हेंबर 2022 ला 3.3 रिस्टर स्केलचा धक्का बसला होता, त्यानंतर आज पुन्हा हे धक्के सुरू झाल्याने नागरिक भयभीत झाले आहेत. ऐन उन्हाळ्यात भूकंपाची भीती वाढल्याने नागरिक चिंतेत आहेत.

पीएम किसान योजनेचा १४ वा हप्ता जून महिन्यात

PM KISAN SANMAN YOYANA

पीएम किसान योजनेचा १४ वा हप्ता जून महिन्याच्या पहिल्या आठवड्यात वितरीत होणार असून राज्यातील १८.४८ लाख लाभार्थीं eKYC केले नसल्याने ते लाभापासून वंचित राहणार आहेत.

यास्तव सर्वांना विनंती करण्यात येते की, प्रलंबित लाभार्थींचे eKYC करण्यासाठी खालील प्रमाणे कार्यवाही करण्यात यावी.

१. युद्ध पातळीवर प्रलंबित लाभार्थींचे eKYC प्रमाणीकरण करावयाचे आहे.
२. Google Play Store वर उपलब्ध असलेल्या PM KISAN GOI अॅपद्वारे एका नोंदणीकृत लाभार्थींस इतर १० लाभार्थींचे eKYC करता येईल.
२. eKYC प्रलंबित लाभार्थींच्या याद्या पी. एम. किसान पोर्टलवर उपलब्ध आहेत.
३. या प्रलंबित लाभार्थींना प्रत्यक्ष संपर्क करून त्यांचे eKYC समक्ष करून घ्यावे.
४. या कामाची प्राथमिकता पाहता या शनिवारी व रविवारी गावपातळीवर आयोजित मोहिमांचे कामकाज सुरू ठेवावे.
५. या कामी CSC व IPPB यांचेही सहकार्य घेण्यात यावे.
६. कोणत्याही परिस्थितीत दिनांक ३१ मे, २०२३ पर्यंत प्रलंबित लाभार्थींचे eKYC पूर्ण करण्यात यावे.
७. उपरोक्त अॅप आधारे प्रलंबित लाभार्थींचे face authentication करून e KYC पूर्ण करावे.

खालील पीएम किसान योजनेविषयी अधिक माहितीसाठी क्लिक करा.

पंतप्रधान किसान सन्मान निधी योजनाचे नविन नोंदणी सुरु || PM KISAN SANMAN NIDHI YOJANA NEW REGISTRATION

नमो शेतकरी सन्मान निधी योजना ही जाहीर आणि एवढे भेटणार!!!

पोस्ट कार्यालयातच उघडा बँक खाते

तुम्ही किसान क्रेडिट कार्ड वापरता का? मग ही बातमी नक्की वाचा, नाहीतर बसेल मोठा भुर्दंड

PM किसान सन्मान निधि योजना : शेतकऱ्याना शेतीसाठी मिळाले 62 हजार करोड रुपये चा मदत
गावातूनच करा बँक ला आधार लिंक

होम लोन घेताना कोणत्या विषयी माहिती लक्षात ठेवावे!

home loan

मोठ्या शहरात अगदी प्राइम लोकेशनवर सर्व सोयींनी सुसज्ज असे घर असावे, असे कुणाला बरे वाटत नाही. यासाठी लोक काटकसरीने राहतात, बचत करतात, प्रसंगी कर्जही काढतात. कर्ज काढण्यासाठी लोक बँकेत जातात अथवा एखाद्या मध्यस्थाला गाठतात. घरासाठी कर्ज काढायचे असेल तर काही गोष्टी लक्षात घ्यायला हव्यात.

कोणते कारण ? 
घर खरेदी, घर बांधकाम, जमीन खरेदी, गृह विस्तार, गृह नूतनीकरण, टॉप-अप होम लोन (आधीच्या कर्जावर), एनआरआय गृहकर्ज

पात्रता कशी ठरते?
होम लोन घेताना वय जितके कमी असेल तितकी मंजुरी मिळण्याची शक्यता जास्त असते. पगारदार किंवा स्वतःचा रोजगार असल्यास होम लोन लवकर मिळते.
■ चांगल्या सिबिल स्कोअरमुळे मंजुरींची प्रक्रिया चटकन होते. जर स्कोअर किमान ७५० वर असेल कर्ज सहज मिळते. तुमच्यावर असलेल्या सध्याच्या इतर देण्याचे मूल्यांकन करून परतफेडीची क्षमता तपासली जाते.

किती कर्ज मिळते?
तुमच्या मासिक पगाराच्या ५० टक्के रक्कम कर्जाच्या हप्त्यापोटी भरता येईल, अशी तुमची क्षमता गृहीत धरली जाते. दर महिन्याला तुमच्या हातात जितके जास्त पैसे येतील, तितकी होम लोनची रक्कम वाढेल.

कोणती कागदपत्रे ?
आधार, पॅन कार्ड, पासपोर्ट / मतदार ओळखपत्र / चालक परवाना, नियोक्ता ओळखपत्र, सैलरी स्लिप, व्यवसाय पत्त्याचा पुरावा, व्यवसाय परवाना कागदपत्रे, पत्ता पुरावा वीज बिल, मालमत्ता कर कागदपत्रे, पोस्टपेड मोबाइल बिल, पासपोर्ट आकाराचा फोटो में १६ किंवा आयकर रिटर्नसह ६ महिन्यांचे जुने बैंक स्टेटमेंट व्याजदर कसे निवडावेत?

फिक्स्ड रेट
ठरलेल्या व्याजदरानेच गृहकर्जाची पूर्ण परतफेड होईपर्यंत असे भरावे लागतात.

फ्लोटिंग रेट
यात दर बाजारातील व्याजदरातील चढउतारानुसार बदलतात, व्याजदर वाढतो तेव्हा असेही वाढतात. कमी असेल, तेव्हा हप्त्याची रक्कम कमी होते.

■ घराच्या एकूण किमतीच्या ८० ते ९० टक्के रक्कम होमलोन म्हणून मिळते. यात नोंदणी, हस्तांतरण आणि मुद्रांक शुल्क यांचाही समावेश असतो.

रात्री दहापर्यंत चालेल आपला दवाखाना; पैसे न घेता तपासणी

पालघर जिल्ह्यामध्ये आतापर्यंत आठ तालुक्यांत दवाखाने सुरू

राज्य  सरकारने मुंबईसह राज्यभरात बाळासाहेब ठाकरे आपला दवाखाना' ही योजना सुरू केली आहे. या योजनेअंतर्गत महाराष्ट्रात सातशे दवाखाने सुरू केले जाणार असून, पालघर जिल्ह्यात आतापर्यंत आठ तालुक्यांत हे दवाखाने सुरू झालेले आहेत. मुंबईसह राज्यभरातील महापालिका आणि सरकारी हॉस्पिटलमध्ये रुग्णांची प्रचंड गर्दी दिसून येते. अगदी ताप, सर्दी अशा आजारांसाठीही रुग्णांना उपचार आणि वैद्यकीय टेस्ट करण्यासाठी घरापासून दूर हॉस्पिटल गाठावे लागते. यावर उपाय म्हणून दर २५ ते ३० हजार वस्तींमागे आपला दवाखाना सुरू करण्यात आलेला आहे.

राज्यातील ग्रामीण दुर्गम भागात राहणाऱ्या नागरिकांना छोट्या-छोट्या आजारासाठी शहरातील हॉस्पिटलमध्ये जावं लागते, त्यामुळे वैद्यकीय उपचाराला उशीर होतो. शिवाय प्रवासाचा खर्चही होतो. त्याच्यातच राहण्याचीसुद्धा गैरसोय होत असल्याने पालघर जिल्ह्यातील ग्रामीण भागातील जनतेला त्याचा फायदा होणार आहे.

 

"वंदनीय बाळासाहेब ठाकरे आपला दवाखाना"

• मोफत तपासणी व मोफत उपचार

राज्यात प्रत्येक जिल्ह्यात १ मे पासून 'आपला दवाखाना' सुरु करण्यात आला असून सकाळी ते रात्री दहापर्यंत हे दवाखाने सुरु राहणार असून, १४७ प्रकारच्या विविध वैद्यकीय सेवा मोफत मिळणार असल्याचे जाहीर केले आहे.

'आपला दवाखानाला उत्तम प्रतिसाद मिळत असून औषधोपचार मिळत आहेत.- एक अधिकारी. जिल्हा परिषद

• विनामूल्य उपचार

गर्भवती मातांची तपासणी, लसीकरण, बाह्य यंत्रणेद्वारे मोफत प्रयोगशाळा तपासणी, महिन्याच्या निश्चित दिवशी नेत्रतपासणी, मानसिक आरोग्य व समुपदेशन आवश्यकतेनुसार विशेषत संदर्भ सेवा इत्यादी सेवा देण्यात येणार आहेत.

• "आपला दवाखाना पालघरमध्ये आठ 'आपला दवाखाना'

पालघर जिल्ह्यात प्रत्येक तालुक्यात एक याप्रमाणे आठ आपला दवाखाना सुरु करण्यात आले आहेत.कोणत्या तालुक्यात किती?

तालुका संख्या

अ) पालघर (नवली) १

ब) डहाणू (लोणी पाडा) १

क) तलासरी (नगर पंचायत) १

ड) विक्रमगड (नगर पंचायत) १

इ) जव्हार (मांगेल वाडा) १

दुपारी दोन ते रात्री १० पर्यंत उघडा राहणार

प) मोखाडा (नगर पंचायत) १

फ) वाडा (नगर पंचायत) १

(भ) वसई (महानगरपालिका) १

पालघरमधील 'आपला दवाखाना'त दुपारी दोन ते रात्री दहा वाजेपर्यंत मोफत औषधोपचार करण्यात येणार आहेत. येथील बहुतांश नागरिक हे शेतकरी, मजूर असल्याने सकाळच्या वेळात त्यांची कामे असतात, त्यामुळे दवाखान्याचा लाभ शेतकरी, कष्टकरी वर्गाला घेता येत आहे.

 

कृषि विभागाने जाहिर सुचना

महाराष्ट्र शासन तर्फे कृषि विभागाने जाहिर सुचना 

MahaDBT Online Portal वर शेतकरी योजनाचे लाभ घ्यावे.
विविध योजने अंतर्गत शेतकऱ्यानी ऑनलाईन अर्ज भरणे बाबत दिनांक 15/05/2023 पर्यंत ऑनलाईन सोडत असणार आहे. तरी शेतकऱ्यानी सदरील योजनेच्या घटकासाठी ऑनलाईन अर्ज करावे व शासकीय योजनेचा लाभ घ्यावा. 

खालीलप्रमाणे घटक

ट्रैक्टर, रोटाव्हेटर, कल्टीवेटर, पेरणी यंत्र, मळणी यंत्र, पाईप, ठिबक सिंचन, तुषार सिंचन, शेततळे, प्लास्टीक मल्चींग, रोपवाटिका, फळबाग लागवड, फुल शेती, विदयुत मोटार पंप संच ...
15 मे 2023 नंतर जवळपास 2 ते 3 महिने ऑनलाईन शेतकरी निवड सोडत होणार नाही याची नोंद घ्यावी.

Staff Selection Commission मार्फत 1600 जागांसाठी भरती

Staff  Selection Commission

Staff  Selection Commission,
Combined Higher Secondary Level 10+2 (CHSL) Examination 2023, 
SSC CHSL Recruitment 2023. SSC CHSL Bharti 2023 for 1600 Junior Section Clerk (LDC) / Junior Secretariat Assistant (JSA), Data Entry Operator (DEO), & Data Entry Operator, Grade ‘A’ Posts.>;

परीक्षेचे नाव: Staff  Selection Commission  (10+2) स्तर (CHSL) परीक्षा 2023

 

 
पदाचे नाव: Junior Section Clerk (LDC) / Junior Secretariat Assistant (JSA), Data Entry Operator (DEO), & Data Entry Operator
 
पद क्र.  पदाचे नाव      पद संख्या
कनिष्ठ विभाग लिपिक (LDC) / कनिष्ठ सचिवालय सहाय्यक (JSA)        1600

डेटा एंट्री ऑपरेटर (DEO)

डेटा एंट्री ऑपरेटर, ग्रेड ‘A’

Total      1600 VACANCY
 

शैक्षणिक पात्रता: 12वी उत्तीर्ण.
 
वयाची अट: 01 ऑगस्ट 2023 रोजी 18 ते 27 वर्षे 
SC/ST: 05 वर्षे सूट, OBC: 03 वर्षे सूट
 
नोकरी ठिकाण: संपूर्ण भारत.
 
Fee: General/OBC: ₹100/-  
SC/ST/PWD/ExSM/महिला: फी नाही
 
ऑनलाईन अर्ज करण्याची शेवटची तारीख: 08 जून 2023
परीक्षा CBT:
 
Tier-I: ऑगस्ट 2023

Tier-II: नंतर घेतले जाईल.
अधिकृत वेबसाईट: click here
 

ऑनलाईन अर्ज: click here

बांधकाम कामगार ऑनलाईन नोंदणी Bandhkam Kamgar nondani Maharashtra

                           Bandhkam Kamgar nondani Maharashtra

बांधकाम कामगार नोंदणी ऑनलाईनच प्रथम नोंदणीसाठी 37 रुपये तर वार्षिक नुतणीकरणासाठी केवळ 12 रुपये शुल्कनोंदणीसाठी कोणालाही पैसे देण्याची आवश्यकता नाही, दलालांच्या भूलथापांना बळी पडू नये

बांधकाम कामगारांनी 7 मेपर्यंत ऑनलाईन नावनोंदणी करावी. राज्य शासनाचे बांधकाम कामगार कल्याणकारी मंडळ, परभणी व एच.एल.एल कंपनी यांच्या संयुक्त विद्यमाने १ ते ७ मे या दरम्यान शासकीय योजनांची जत्रा अंतर्गंत ‘योजना जन कल्याणकारी सर्व सामान्यांच्या दारी’ कार्य्रक्रमाच्या अनुषंगाने जिल्ह्यातील बांधकाम कामगारांनी त्यांची नोंदणी, नूतनीकरण व लाभ यांचा अर्ज आवश्यक कागदपत्रांसह (www.mahabocw.in) संकेतस्थळावर ऑनलाईन सादर करण्याचे आवाहन सरकारी कामगार अधिकारी  यांनी केले आहे. 

राज्य शासन इमारत व इतर बांधकाम कामगार कल्याणकारी मंडळामार्फत बांधकाम व इतर क्षेत्रात काम करणाऱ्या कामगारांची नोंदणी, नूतनीकरण व विविध कल्याणकारी योजनांचे लाभ मिळावेत, यासाठी कामगारांनी ही नोंदणी करावी.  

राज्य शासनाच्या ‘शासकीय योजनांची जत्रा’ या उपक्रमांतर्गंत कामगारांना विविध योजनांचा लाभ मिळावा, यासाठी त्यांनी नावनोंदणीसाठी संगणकीकृत प्रणालीद्वारे अर्ज करावेत. कामगारांच्या अर्जांची नंतर तपासणी होते. 

योग्य व परिपूर्ण माहिती भरलेल्या अर्जांच्या तपासणीनंतर या योजनेसाठी पात्र लाभार्थी बांधकाम कामगारांच्या बँक खात्यात विविध योजनेची रक्कम थेट हस्तांतरित होते. या मंडळामार्फत बांधकाम कामगारांना त्यांचे आरोग्य, मुलांचे शिक्षण, मुलीच्या विवाहासाठी, पत्नीच्या प्रसूतीसाठी व घर बांधणीसाठी विविध लाभ देण्यात येतात, असेही सरकारी कामगार अधिकारी श्री. माणगावकर यांनी प्रसिद्धीपत्रकाद्वारे कळविले आहे.

महाराष्ट इमारत व इतर बांधकाम कामगार कल्याणकारी मंडळाअंतर्गत नोंदणी, नुतणीकरण व विविध कल्याणकारी योजनेचा लाभ वाटपाची प्रक्रिया ऑनलाईन सुरु असून याकरीता मंडळानी www.mahabocw.in ही वेबसाईट विकसीत केलेली आहे.

त्याअनुषंगाने जिल्ह्यातील सर्व बांधकाम कामगारांना कळविण्यात येते की, मंडळामध्ये प्रथम नोंदणी करण्याकरीता रुपये 25 नोंदणी शुल्क तसेच वार्षीक सभासद वर्गणी रु. 12 असे एकूण 37 रुपये शुल्क आकारले जाते. तसेच दरवर्षी नोंदणीचे नुतणीकरण करणे आवश्यक असून रु. 12 वार्षीक नुतणीकरण शुल्क आकारण्यात येते.

नोंदणी कशी करावी काय आहेत योजना पहा खालील लिंक वर 

......

कामगारांचा अर्ज मंजूर झाल्याचा संदेश प्राप्त झाल्यानंतर सदर शुल्क ऑनलाईन भरण्याबाबत लिंक नोंदित मोबाईल क्रमांकावर पाठविल्या जाते. सदर लिंकवर जावून विहीत शुल्क भरावे. 

या व्यतीरिक्त कोणतेही शुल्क मंडळाकडून आकारले जात नाही. कार्यालयाकडून कोणत्याही दलाल, मध्यस्थी (एजंट) किंवा अन्य व्यक्ती यांची नेमणूक करण्यात आलेली नाही. त्यामुळे कोणासही पैसे देण्याची आवश्यकता नाही. तरी कोणत्याही भूलथापांना बळी पडू नये व फसगत करुन घेवू नये असे आवाहन सरकारी कामगार अधिकारी, यांनी केले आहे.

नॉनस्टॉप दस्तनोंदणी सुरू राहणार

 सामान्य जनतेच्या सोयीसाठी जिल्हा मुख्यालय आणि महानगरपालिका क्षेत्रातील दुय्यम निबंधक कार्यालये शनिवार आणि रविवार या सुट्टीच्या दिवशीही सुरू राहणार आहेत. त्यामुळे नागरिकांना दस्तनोंदणीत अडचण निर्माण होणार नाही. यापुढे 'नॉनस्टॉप दस्तनोंदणी' होणार असल्याचे राज्याचे महसूल मंत्री राधाकृष्ण विखे पाटील यांनी स्पष्ट केले.

खरेदी-विक्री व्यवहारामध्ये वाढ होत असल्याने नागरिकांना त्यांच्या कामाच्या वेळेत दस्तनोंदणी करणे शक्य होत नाही. तसेच दुय्यम निबंधक कार्यालयात नागरिकांची वाढती गर्दी लक्षात घेता नागरिकांना सुट्टीच्या दिवशीही दस्तनोंदणी करता यावी, या दृष्टिकोनातून हा महत्त्वाचा निर्णय घेण्यात आला आहे. मुंबई विभागातील (मुंबई शहर, उपनगर), कोकण विभागातील (ठाणे शहर, ठाणे ग्रामीण, पालघर, रायगड,

अलिबाग), पुणे विभागातील (सातारा, सांगली, सोलापूर, कोल्हापूर), अमरावती विभागातील ( अकोला, अमरावती), नागपूर विभागातील (नागपूर), लातूर विभागातील (लातूर, नांदेड), नाशिक विभागातील (नाशिक, जळगाव), औरंगाबाद विभागातील (औरंगाबाद) जिल्हा मुख्यालय आणि महानगरपालिका क्षेत्रातील दुय्यम निबंधक कार्यालये शनिवार आणि रविवार या सुट्टीच्या दिवशीही सुरू राहणार आहेत. नागरिकांनी या सुविधेचा लाभ घेण्याचे आवाहन विखे-पाटील यांनी केले आहे.

महसूल विभाग अधिक जनताभिमुख करण्यासाठी विखे- पाटील यांनी विविध धोरणात्मक निर्णय घेतले. सलोखा योजना, अवघ्या ६०० रुपयांत वाळू उपलब्ध करून देणारे नवीन वाळू धोरण, जमीन मोजणी अशा निर्णयामुळे सेवा सुलभतेने मिळू लागल्या आहेत.

पालघरमधील गतिमान रस्ते होणार

पालघर जिल्ह्याच्या ग्रामीण भागाला जोडणाऱ्या रस्त्यांच्या दुरुस्ती आणि मजबुतीकरणासाठी आवश्यक निधी उपलब्ध होत नसल्याने त्यांची अक्षरशः चाळण झाली होती. आता मुख्यमंत्री ग्रामसडक योजनेतून निधी मिळाल्याने ग्रामीण भागातील रस्ते मजबूत होणार आहेत. त्यामुळे प्रवास गतिमान होण्याबरोबरच प्रवाशांची वेळेची बचत होऊन शारीरिक त्रासातून मुक्तता होणार आहे.

पंतप्रधान ग्रामसडक योजनेंतर्गत पालघर जिल्ह्यातील रस्त्यांसाठी केंद्र सरकारकडून ११४ कोटींचा निधी मंजूर झाल्यानंतर आता मुख्यमंत्री ग्रामसडक योजना-२ अंतर्गत जिल्ह्याच्या ग्रामीण भागातील रस्ते मजबूत करण्यासाठी आणखी अंदाजे १०० कोटींचा निधी राज्य सरकारने मंजूर केला आहे. त्यामुळे वर्षानुवर्षे दुरुस्तीच्या प्रतीक्षेत असलेल्या अनेक रस्त्यांची कामे मार्गी लागणार असून यामुळे नागरिकांचा प्रवास सुखकर होण्यास मदत होणार आहे.

मुख्यमंत्री ग्रामसडक योजनेंतर्गत पालघर जिल्ह्यातील एकूण ९०.६७ किलोमीटर रस्त्यांचे डांबरीकरण केले जाणार आहे. यामध्ये ग्रामीण व दुर्गम भागातील २३ रस्त्यांचा समावेश आहे. या रस्त्यांच्या कामासाठी एकूण ७६.२८ कोटी रुपये आणि पाच वर्षांसाठी देखभाल-दुरुस्ती म्हणून ५.१९ कोटी रुपये असा जवळपास ८२ कोटी रुपयांचा निधी मंजूर करण्यात आला आहे. रस्त्यांच्या कामांची निविदा प्रक्रिया जारी करण्यात आली आहे. पालघर जिल्ह्याच्या ग्रामीण भागाला जोडणाऱ्या रस्त्यांच्या दुरुस्ती आणि मजबुतीकरणासाठी आवश्यक निधी उपलब्ध होत नसल्याने त्यांची अक्षरशः चाळण झाली होती.

१२ महिन्यांची ठेकेदारांना मुदतरस्त्यांच्या दुरुस्तीसाठी नागरिक अनेक वर्षे प्रतीक्षा करीत होते. अखेर पंतप्रधान ग्रामसडक योजना आणि मुख्यमंत्री ग्रामसडक योजना- २ अशा दोन्ही योजना मिळून जवळपास १९६ कोटींचा मोठा निधी पालघर जिल्ह्यातील रस्त्यांसाठी खर्च होणार आहे. या कामांमध्ये रस्त्यांचे रुंदीकरण, लहान-मोठे पूल बांधणे आणि डांबरीकरण यांचा समावेश असून ठेकेदारांना १२ महिन्यांत कामे पूर्ण करण्याची मुदत देण्यात आली आहे.

तालुकानिहाय होणारे रस्ते१) पालघर- आगरवाडी ते नगावे, गुंदले ते करवेला, मथाणे ते एडवण, तामसई ते पोचाडे, करवाळे ते कांदळवन नवघर, चिंतूपाडा ते दासगाव, वाकसई-दर्भी पाडा रस्ता, इजिमा, तारापूर, घिवली२) वाडा - कादीवली-करंजे रस्ता, राज्य मार्ग ३४ ते खरीवली रस्ता, वरसाळे ते नवापाडा, सरस ओहोळ ते आलमान३) जव्हार - दखन्याचा पाडा ते उंबरपाडा (मानमोहाडी), वडपाडा ते भाटेपाडा ते मनमोहाडी रस्ता४) वसई - भिनार ते केळीचा पाडा, जांभूळपाडा ते मडकेपाडा, करजोन ते कोळोशी, आडणे ते हत्तीपाडा५) डहाणू - वरोती ते वांगर्जे ते पिंपळशेत बु., गांगोडी ते शेणसरी६) तलासरी - कुर्झे गावितपाडा ते भुसारापाडा, वडवली डोंगरीपाडा ते केळीपाडा७) मोखाडा - वेहेळपाडा ते केगवा, नांदगाव राजेवाडी ते भुरीतेक, राजनपाडा, पिंपळपाडा ते इजिमा ४६शासनाने मंजूर केलेले रस्ते पालघर जिल्‍ह्यातील ग्रामीण रस्त्यांना चालना देणारे ठरणार आहेत. मंजूर निधीतून दर्जेदार रस्त्यांसाठी प्रयत्न करणार.- के. डी. गाडगीळ, कार्यकारी अभियंता