डहाणू व तलासरी: आज स. 11.39 वाजता व काल दु. 4.16 वाजता भूकंपाचे धक्के

दि. 15.09.2020): डहाणू व तलासरी तालुक्याला आज सकाळी 11.39 वाजता 2.7 रिश्टर स्केल तीव्रतेचा भूकंपाचा धक्का जाणवला आहे. काल (सोमवारी) देखील दुपारी 4.16 वाजता 2.9 रिश्टर स्केल तीव्रतेचा धक्का जाणवला होता. 11 सप्टेंबर रोजी भूकंपाचे सलग 6 धक्के बसल्यानंतर 2 दिवस शांततेत गेले होते. 11 सप्टेंबरच्या धक्क्यांमध्ये 3.5 व 3.6 रिश्टर स्केल तीव्रतेच्या धक्क्यांचा समावेश होता.

डहाणू परिसरात भूकंपाचे तीन मध्यम धक्के

डहाणू, पालघर व तलासरी तालुक्यात अनेक भूकंपाचा धक्का

डहाणू शहराच्या पूर्वेच्या भगत मध्यरात्रीच्या सुमरास भूकंपाचे दोन मध्यम झटके बसल्याने डहाणू, पालघर व तलासरी तालुक्यात अनेक भागाला कंप जाणवला.

पालघर जिल्ह्यातील डहाणू, तलासरी परिसरात 2018 पासून वारंवार भूकंपाचे शेकडो धक्के बसले आहेत. मध्यंतरी काही काळ भूकंपाचे धक्के जाणवले नव्हते त्यामुळे नागरिकांनी सुटकेचा निश्वास सोडला होता. मात्र गेल्या महिना भरापासून पुन्हा भूकंपाच्या धक्क्यांनी आपलं डोकं वर काढलं आहे. त्यामुळे नागरिकांमध्ये पुन्हा भीतीचे वातावरण आहे.

काल रात्री 10 वाजून 33 मिनिटांनी 2.8, 11 वाजून 41 मिनिटांनी 4.0 तर 12 वाजून 05 मिनिटांनी 3.6 असे रिश्टर स्केलचे धक्के बसले. डहाणू, तलासरी परिसराला भूकंपाचे जवळपास सात ते आठ हादरे बसले. हे धक्के तलासरी,आणि डहाणू तालुक्यातील तलासरी, दापचरी, आंबोली, धानीवरी, ओसारविरा, कासा, बोर्डी, धुंदलवाडी, शिशने परिसरात जाणवले.

पावसाळ्याच्या दरम्यान धक्के बसत नव्हते, मात्र गेल्या 15 दिवसांपासून हे सत्र पुन्हा सुरू झाल्याने या भागातील नागरिकांमध्ये भीतीचे वातावरण पसरले आहे. याबाबत भूगर्भीय अभ्यास होत असून शासनाने या भागातील शासकीय कार्यालय, इमारती, आश्रमशाळा तसेच घरांच्या मजबुतीकरण करण्याचे ठरवण्यात आले आहे. मात्र ही योजना अजूनही कागदावरच राहिल्याने नागरिकांमध्ये नाराजीचे वातावरण आहे.

या धक्क्यानंतर अनेक नागरिकांनी घराबाहेर बऱ्याच काळ थांबणे पसंद केले. या भूकंपमुळे कोणत्याही प्रकारचे नुकसान झाल्याची माहिती अजूनही पुढे आली नाही.

डहाणू परिसरात दिवसभरात भूकंपाचे सहा सौम्य धक्के

परिसरातील नागरिकांमध्ये चिंतेचे वातावरण

पालघर जिल्ह्यातील डहाणू तालुक्यात आज (रविवार)सकाळपासून भूकंपाचे सहा सौम्य धक्के बसल्याने पुन्हा येथील नागरिकांमध्ये चिंतेचे वातावरण पसरले आहे.

आज सकाळी ११ वाजून २४ मिनिटांनी १.८ तीव्रतेचा, ११ वाजून ३९ मिनिटांनी ३.१ तीव्रतेचा, दुपारी १ वाजून ५ मिनिटांनी  २.१ तीव्रतेचा, सायंकाळी ४ वाजून २२ मिनिटांनी १.८ तीव्रतेचा, सायंकाळी ५ वाजून ८  मिनिटांनी २.३ तर सायंकाळी ५ पाच वाजून २३ मिनिटांनी ३.२ तीव्रतेचा भूकंपाचा झटका बसला.

या सर्व भूकंपाचे केंद्रबिंदू डहाणू तालुक्याच्या परिसरात होते व केंद्रबिंदूची खोली पृष्ठभागापासून दहा किलोमीटर होती. तीन पेक्षा अधिक तीव्रतेचा भूकंप व डहाणू तालुक्यात अनेक ठिकाणी कंप जाणवल्याने नागरिकांमध्ये चिंतेचे वातावरण पसरले आहे. नोव्हेंबर २०१८ पासून या भागात भूकंपाचे धक्के जाणवत असून, गेले काही महिने त्याची तीव्रता वाढण्याचे प्रकार कमी झाले होते. या भूकंपामुळे नुकसान झाल्या बद्दलची माहिती अजूनही प्राप्त झाली नाही.

डहाणू, तलासरी तालुक्यामध्ये भूकंपाचा धक्का

पालघरमध्ये मध्यरात्री भूकंपाचा धक्का बसला. 3.1 एवढ्या तीव्रतेची रिश्टर स्केलवर त्याची नोंद झाली. दहा किलोमीटर खोल भूगर्भात हा धक्का बसला असल्याची माहिती आहे.

या अगोदरही डिसेंबर महिन्यात पालघरमध्ये भूकंपाचा धक्का जाणवला होता. सातत्याने भूकंपाचे धक्के बसत असल्याने पालघर जिल्ह्यातील नागरिकांमध्ये काहीसे भितीचं वातावरण पाहायला मिळत आहे.

पालघर जिल्ह्यातील डहाणू, तलासरी तालुक्यात  14 डिसेंबर रोजी सकाळी ५ वाजून २२ मिनिटांनी भूकंपाचा धक्का बसला होता. ४.८ रिश्टर स्केलचा हा भूकंप असल्याची माहिती समोर आली होती.

या भूकंपामुळे डहाणू तालुक्यातील काही घरांच्या भिंतीला भेगा गेल्याची प्राथमिक माहिती पुढे आली होती. सुदैवानं यात कोणतीही जीवितहानी किंवा वित्तहानी झाली नाही.

दोन दिवसात भूकंपाचे 13 धक्के झाले पालघर जिल्ह्यात!

पालघर – गेल्या दोन दिवसांत भूकंपाचे 13 धक्के बसल्याने पालघर जिल्हा हादरून गेला आहे. आजही पालघर जिल्ह्यातील डहाणू आणि तलासरी परिसरात भूकंपाचे चार धक्के बसले. हे भूकंपाचे धक्के सौम्य असले तरी वारंवार भूकंप होत असल्याने येथील ग्रामस्थांमध्ये दहशतीचे वातावरण निर्माण झाले आहे.

पालघर जिल्ह्यातील डहाणू आणि तलासरीत सोमवारी आणि आज भूकंपाचे जोरदार धक्के बसले. साधारणपणे या भूकंपाची रिश्टर स्केलवर 2.8 एवढी तीव्रता नोंदवली गेली. कमी तीव्रतेचे भूकंपाचे धक्के जाणवत असले तरी स्थानिकांमध्ये मात्र त्यामुळे भीतीचे वातावरण निर्माण झाले आहे. काल सोमवारी पहाटे 4 वाजता भूकंपाचा पहिला धक्का जाणवला. त्याची रिश्टर स्केलवर 2.0 एवढी तीव्रता नोंदवली गेली. त्यानंतर अवघ्या सव्वा तासातच म्हणजे 5 वाजून 18 मिनिटांनी 2.3 रिश्टर स्केलचा भूकंप जाणवला. त्यानंतर रात्री 8 वाजून 45 मिनिटांनी 2.4 तीव्रतेचा भूकंपचा धक्का बसला. त्यानंतर अवघ्या दोन मिनिटातच पुन्हा दुसरा धक्का जाणवला. 8 वाजून 47 मिनिटांनी हा धक्का जाणवला. त्याची तीव्रता रिश्टर स्केलवर 2 एवढी नोंदवली गेली.

काल सुरू झालेली भूकंपाची ही मालिका आजही सुरूच होती. आज मध्यरात्री 1 वाजून 24 मिनिटांनी भूकंपाचा पहिला धक्का जाणवला. त्याची तीव्रता 2.8 एवढी होती. त्यानंतर पहाटे 5 वाजून 47 मिनिटांनी 2.7, सकाळी 6 वाजून 21 मिनिटांनी 2.0 आणि सकाळी 9 वाजून 48 मिनिटांनी 1.9 एवढ्या तीव्रतेचे धक्के जाणवले. एकामागून एक आणि सलग दोन दिवस भूकंपाचे धक्के जाणवत असल्याने येथील ग्रामस्थ घरात जाण्यासही घाबरत आहेत.

आज मध्यरात्री 1 वाजून 24 मिनिटांनी भूकंपाचा पहिला धक्का जाणवल्यानंतर अनेकांना तर डोळाही लागला नाही.. कालच्या भूकंपाचा अनुभव ताजा असल्याने अनेकांनी अख्खी रात्र जागून काढली असून वारंवार होणार्‍या भूकंपामुळे पालघरवासियांच्या मनात भीतीने घर निर्माण केले आहे.

आधीच कोरोनाची दहशत त्यात भूकंपाचे धक्के, पालघर जिल्हा पुन्हा भूकंपाच्या धक्क्यांनी हादरला

कोरोनाची दहशत दिवसेंदिवस वाढत चाललं असताना पालघरमध्ये भूकंपाचं सत्र पुन्हा चालू झालं आहे.

पालघर जिल्ह्यातील डहाणू, तलासरी आणि परिसरात आजवर अनेकदा भूकंपाचे धक्के बसले आहेत.

पालघर जिल्ह्यात गेल्या दोन वर्षांपासून भूकंपाच्या धक्क्यांचे सत्र सातत्याने सुरूच आहे. बुधवारी रात्री पुन्हा पालघर जिल्ह्यातील पालघर, डहाणू, तलासरी तालुक्यातील बहुतांश भाग सलग दोन भूकंपाच्या धक्क्यांनी हादरला. सध्या जगावर कोरोनाचे मोठे संकट घोंगावत असताना भूकंपाच्या धक्क्यांनी पालघरकरांचा पिच्छा अजूनही सोडलेला नाही. बुधवारी रात्री 11 वाजून 19 आणि 11 वाजून 39 मिनिटांच्या दरम्यान भूकंपाचे दोन जोरदार धक्के बसले.

हे धक्के तलासरी, धुंदलवाडी, आंबोली, आशागड, कासा, बोर्डी, बोईसर या भागात जाणवले. त्यामुळे नागरिक घाबरून घराबाहेर पडले. भूकंपाच्या धक्क्यांच्या भीतीपोटी भूकंप प्रवनक्षेत्रातील नागरिक मोठ्या प्रमाणात कामासाठी बाहेर स्थलांतरित झाले होते. मात्र सध्या राज्यात कोरोनाचे मोठे संकट असल्याने या भागातील सर्व नागरिक पुन्हा आपल्या गावात परतलेले आहेत. त्यातच हे काही काळ शमलेले संकट पुन्हा डोकं वर काढायला लागल्यामुळे येथील नागरिकांच्या मनात ह्या दुहेरी संकटामुळे मोठी भीती निर्माण झाली आहे.

सध्या पालघर प्रशासन कोरोनाच्या संकटाचा सामना करण्यात गुंतले असून पुन्हा भूकंप सत्र सुरू झालं असल्याने या भागाकडे कसे लक्ष देते याकडे सर्वांचे लक्ष लागले आहे.

सातत्याने एकापाठोपाठ होणाऱ्या भूकंपांनी नागरिकांच्या मनात भीतीचे काहूर उठवले आहे. त्यातच वारंवार होणाऱ्या भूकंपाने अनेकांच्या घरांना तडे गेले आहेत, तर काही भिंती दुभंगण्याच्या स्थितीत आहेत. अशा जमिनी हादरवून सोडणाऱ्या भूकंपाने डोक्यावरील छत आणि घर कोसळले तर कुठे जायचे? असा प्रश्न नागरिक विचारत आहेत. भूकंपाने स्थानिक नागरिक पुरते हैराण झाले आहेत.

भूकंपाचा आतापर्यंतचा घटनाक्रम

नोव्हेंबर आणि डिसेंबर 2018
11 नोव्हेंबर - 3.2 रिश्टर स्केल
24 नोव्हेंबर - 3.3 रिश्टर स्केल,
1 डिसेंबर - 3.1 व 2.9 रिश्टर स्केल
4 डिसेंबर - 3.2 रिश्टर स्केल
7 डिसेंबर - 2.9 रिश्टर स्केल
10 डिसेंबर 2.8 आणि 2.7 रिश्टर स्केल

2019
20 जानेवारी - 3.6 रिश्टर स्केल
24 जानेवारी - 3.4 रिश्टर स्केल
1 फेब्रुवारी - 3.3,3.5,3.0,4.1,3.6,3.5 रिश्टर स्केल
7 फेब्रुवारी - 3.3 रिश्टर स्केल
13 फेब्रुवारी - 3.1 रिश्टर स्केल
20 फेब्रुवारी - 2.9, 2.9, 3.1 रिश्टर स्केल
1 मार्च - 3.2, 4.3 रिश्टर स्केल
9 मार्च - 2.8 रिश्टर स्केल
10 मार्च - 3.5 रिश्टर स्केल
31 मार्च - 3.2 रिश्टर स्केल
2 एप्रिल - 3.0 रिश्टर , 2.9 रिश्टर स्केल
9 एप्रिल - 3.0 रिश्टर स्केल
15 एप्रिल - 3.4 रिश्टर स्केल
12 मे - 2.6 रिश्टर स्केल
10 जुलै - 2.6 रिश्टर स्केल
20 जुलै - 3.5 रिश्टर स्केल
24 जुलै - 3.6, 3.8, 2.8 रिश्टर स्केल
25 जुलै - 4.8, 3.6 रिश्टर स्केल
31 जुलै - 3.00 रिश्टर स्केल
13 ऑगस्ट - 3.2 रिश्टर स्केल
21 ऑगस्ट - 2.5 रिश्टर स्केल
20 सप्टेंबर - 3.3 रिश्टर स्केल
21 सप्टेंबर - 3.2 रिश्टर स्केल
2 सप्टेंबर - 3.4 रिश्टर स्केल
24 सप्टेंबर - 2.8 रिश्टर स्केल
26 ऑक्टोंबर - 2.7 रिश्टर स्केल
18 नव्हेंबर - 3.9, 3.3, 2.9, 2.3, 24 रिश्टर स्केल
21 नव्हेंबर - 3.5 रिश्टर स्केल
आतापर्यंत भूकंपाचे एकूण 54 धक्के बसल्याची नोंद करण्यात आली आहे.