कामगारांना व भाडेकरूंना काढू नये.इतर राज्यातील स्थलांतरीतांच्या दैनंदिन गरजा पूर्ण करणार.-जिल्हाधिकारी डॉ. कैलास शिंदे

 कोरोना विषाणूचा प्रादुर्भाव रोखण्यासाठी देशामध्ये लॉकडाऊन करण्यात आल्यामुळे पालघर जिल्ह्यातील इतर राज्यातील कामगारांना रोजगार उपलब्ध नसल्यामुळे तसेच जे बेघर झालेले कामगार आहेत. त्यांना मदत शिबिरात अन्न, पाणी, वैद्यकीय सुविधा या दैनंदिन गरजा पुर्ण करण्यात येणार आहेत. तसेच जे कामागार भाडेकरु आहेत अशा कामगारांना घरमालकाने या परिस्थितीत काढू नये, असे आवाहन जिल्हाधिकारी डॉ. कैलास शिंदे यांनी केले.

कोरोना विषाणूाचा प्रादुर्भाव रोखण्यासाठी देशामध्ये 21 दिवासांचा ताळेबंद(lockdown) जाहिर करण्यात आला असून या कालावधीत जे कामगार कामावर उपस्थित राहू शकत नाही अशा पालघर जिल्ह्यातील कामगारांना कोणत्याही आस्थापनाने कामावरून काढू नये तसेच भाडेकरुंना घरमालकांने या परिस्थितीमध्ये घर सोडण्यास सांगू नये. तसेच इतर राज्यातून पालघर जिल्ह्यामध्ये रोजगारासाठी आलेले कमागार व कर्मचारी व इतर व्यवसाय करण्याऱ्या व्यक्तींची संख्या पालघर जिल्ह्यामध्ये 4013 असून या व्यक्तीनां रोजगाराचे साधन लॉकडाऊनमुळे उपलब्ध नसल्याने जिल्ह्यामध्ये अडकून पडले आहे. त्यांच्या दैनंदिन गरजा ते भागवू शकत नाही अशा व्यक्तींना जिल्हा प्रशासनाने मदत शिबिरामध्ये निवारा उपलब्ध करुन दिला असून त्यांना अन्न, पाणी वैद्यकीय मदत दिली जात आहे. तसेच कोरोना विषाणूचा प्रादुर्भाव कसा रोखावा याबाबत जनजागृती करण्यात येते. राज्यस्तरावर याबाबतीत काटेकोरपणे अंमलबजाणी व्हावी यासाठी राज्यस्तरीय सनियंत्रण समिती गठीत करण्यात आली असून या समितीचे अध्यक्ष राज्याचे मुख्य सचिव आहेत. जिल्ह्यामध्ये अंमलबजावणी साठी जिल्हाधिकारी यांच्या अध्यक्षतेखाली जिल्हास्तरीय सनियंत्रण समिती गठित करण्यात आली आहे.

पालघर जिल्ह्यातील व्यक्ती इतर राज्यात रोजगारानिमित्त वास्तव्यास असेल किंवा राज्यात इतरत्र असेल अशा कामगारांना संबंधित राज्यातील प्रशासनाने व सेवाभावी संस्थेने अडकून पडलेल्या किंवा रोजगार नसल्याने बेघर झालेल्या व्यक्तींना तसेच त्यांच्या कुटुंबियांना वैद्यकीय मदत द्यावी, असे आवाहनहि जिल्हाधिकारी डॉ. शिंदे यांनी केले.

ज्या रुग्णांमध्ये लक्षणे आढळून येतील यांच्यावर उपचार करण्यासाठी बोईसर येथील टिमा रुग्णालय हे अधिग्रहीत करण्यात आले असून या रुग्णालयात 40 खाटांचे अद्ययावत विलगीकरण कक्ष तयार केले असून तेथे स्वतंत्र डॉक्टर, नर्स व इतर कर्मचारी यांना 24 तास सेवा देण्यासाठी नियुक्त केले आहे. या सर्वांची निवासाची व्यवस्था हॉटेल रेयॉन्स येथे व हॉटेल एक्सप्रेस इन येथे करण्यात आली आहे, असेही जिल्हाधिकरी डॉ. शिंदे यांनी सांगितले.